U Breście zaŭvažyli redki sportkar — takich było vypuščana ŭsiaho 419
Abmiežavanuju kolkaść takich aŭtamabilaŭ vypuścili ŭ 1980-ja hady.
Fota: «Vialiki aŭtabłoh»
U Breście na adnoj z parkovak zaŭvažyli redki sportkar Lamborghini Jalpa.
Hetaja madel vyrablałasia ŭ 1981-1988 hadach. Usiaho było vypuščana 419 štuk, piša «Vialiki aŭtabłoh».
Jalpa raspracoŭvałasia jak madel, bolš dastupnaja dla zvyčajnaha čałavieka, čym papiarednija supierkary Lamborghini. Dyzajnam madeli zajmałasia znakamitaje atelje Bertone.
Fota: «Vialiki aŭtabłoh»
Aŭto abstalavanaje 3,5-litrovym ruchavikom V8 mahutnaściu 255 konskich sił. Maksimalnaja chutkaść — 246 km/h.
Prodažy aŭto hetaj madeli nie apraŭdali čakańniaŭ kancerna, i vytvorčaść była zhornutaja ŭ 1988 hodzie. Ciapier Lamborghini Jalpa ŭ dobrym stanie moža kaštavać kala 100 tysiač jeŭra. Sustrakajucca prapanovy i kudy daražejšyja.
Kamientary