«Čatyry miesiacy nie mahła zapluščyć voka». Ryta Dakota pakazała žudasny pabočny efiekt kaśmietyčnaj apieracyi
Śpiavačka chacieła «amaładzić pozirk», ale ŭ vyniku była vymušana chavać vočy za akularami šmat miesiacaŭ. Ryta Dakota raskazała niepryjemnuju praŭdu pra svaju blefarapłastyku i pakazała fotazdymki.
Prykładna paŭhoda tamu śpiavačka advažyłasia na kaśmietałahičnuju apieracyju na vačach. Niechta z fanataŭ vyrašyŭ, što jana zrabiła modnyja «lisinyja vočki» (heta bakavaja padciažka brovaŭ nitkami, jakaja daje efiekt uzdymu brovaŭ i skronievaj vobłaści).
Ale ž Dakota abvierhła takija zdahadki. Jana skazała, što vydaliła hryžy źvierchu i źnizu paviekaŭ, praz što pohlad pavinien byŭ «amaładzicca».
Spačatku śpiavačka była ŭ zachapleńni ad blefarapłastyki. Raspaviadała ŭ instahramie, što latała da ruskaha doktara, jakoha joj vielmi rekamiendavali.
— Ni hryž ciapier, ni šva nie zastałosia. Voś vy bačycie švy? Ja — nie. U mianie miljon siabrovak rabili, i va ŭsich vidać švo, kali biez mejka. Navat praz hod-dva. A ŭ mianie ź pieršaha dnia nie vidać. Navat kali nablizić fotku. Voś jość ža hienii!
Adzinaj prablemaj tady zdavałasia toje, što paśla apieracyi staŭ bolš zaŭvažnym niaŭdały piermanientny makijaž, zrobleny 15 hadoŭ tamu. Artystka šukała śpiecyjalista, jaki zmoža jaho vydalić.
Ciapier ža Dakota pryznałasia, što paŭhoda paśla apieracyi stali dla jaje asabistym piekłam. Jana raspaviała ŭ instahramie, što kali b viedała, da čaho pryviadzie žadańnie kryšačku palepšyć siabie, to nikoli b nie stała rabić blefarapłastyku.
Pa-pieršaje, tvar śpiavački vielmi źmianiŭsia — jana sama siabie nie paznavała ŭ lusterku. Pa-druhoje, pieršyja čatyry miesiacy Ryta Dakota nie mahła navat całkam zapluščyć adno voka.
— Apiaredžvajučy pytańni «navošta?». Chacieła trošački «amaładzić pozirk». Mnie zdavałasia, hetyja hryžy i marščyny mianie psujuć i pieraškadžajuć u zdymkach. A prybrać stomlenaść z paviekaŭ — prostaja pracedura, a ŭ 34 hady i nie tak rana, byccam by… Och, durnaja baba.
Ale ž kali Ryta Dakota pabačyła vynik paśla apieracyi, jana była ŭ šoku. Usie šeść miesiacaŭ artystka ličyła siabie niepryhožaj i płakała kožny dzień. Śpiavačka pryznałasia, što jaje źniščali pačućcio viny i soramu za toje, što jana sama z saboj zrabiła. Taksama Ryta chvalavałasia, što praz takija źmieny jaje kinie muž.
— Ja dumała, što heta kaniec majoj karjery. Ja była ŭpeŭniena, što nikoli bolš nie vyjdu da ludziej, nie budu zdymacca ŭ klipach, nie zmahu pieć.
Śpiavačka raspaviała, što dumała pastavić na paŭzu karjeru, ale ŭsio ž znajšła vyjście sa składanaj situacyi. Jana zdymałasia ŭ svaich klipach, a taksama paziravała dla vokładak modnych časopisaŭ u soniečnych akularach.
Ciapier čytajuć
HUBAZiK vykłaŭ dyskredytujučaje fota zatrymanaha, jaki «prapahandavaŭ nacyzm». Ale na zdymku skandalny Z-błohier4
Kamientary