Маладыя мужчыны не паверылі ў Харыс і пастулаты дэмакратаў. Але не толькі яны. Да Трампа схіліліся і вялікія сегменты іншых сацыяльных і расавых групаў.
Першыя вынікі экзіт-пола AP VAP VoteCastoteCast, які даследаваў сімпатыі амерыканскіх выбаршчыкаў, даюць магчымасць зразумець, з каго складаецца электарат кандыдата ад Рэспубліканскай партыі ЗША.
У гонцы за прэзідэнцкае крэсла Трамп змог дабіцца прыхільнасці маладых выбаршчыкаў-мужчын.
Даныя апытання выбаршчыкаў у аўторак паказалі, што Трамп атрымаў на 11 працэнтных пунктаў больш галасоў мужчын ва ўзросце ад 18 да 29 гадоў, чым Камала Харыс (54% супраць 43%). У 2020 годзе сімпатыі гэтай групы выбаршчыкаў былі на баку Байдэна. Тады ён сабраў у гэтай катэгорыі 56% галасоў — на 15% больш за свайго апанента.
Трамп чарговы раз прыцягнуў больш белых выбаршчыкаў з сельскай мясцовасці,
што дапамагло яму набраць адрыў у шэрагу штатаў. Камала Харыс не змагла эфектыўна супрацьдзейнічаць гэтаму за кошт павелічэння сваёй падтрымкі ў гарадах. Гэта палегчыла Трампу дасягненне буйных перамог. Ягоная папулярнасць расла ў сельскіх і прыгарадных раёнах.
Харыс апярэдзіла Трампа сярод выбаршчыкаў з вышэйшай адукацыяй на 16 працэнтных пунктаў, у той час як Трамп выйграў сярод выбаршчыкаў без вышэйшай адукацыі на 9 працэнтаў.
Для параўнання, у 2020 годзе Байдэн таксама лідзіраваў сярод выбаршчыкаў з вышэйшай адукацыяй на 16 працэнтаў, але Трамп тады меў перавагу сярод людзей без дыплома толькі на 4 працэнты, што стварала разрыў усяго на 20 працэнтаў.
Назіральнікі адзначаюць, што выбары паказалі далейшы рост палітычнага расколу паміж людзьмі з вышэйшай адукацыяй і без яе.
Рэспубліканская партыя таксама дабілася істотных поспехаў сярод нябелых выбаршчыкаў.
Па дадзеных AP VoteCast, сярод чарнаскурых выбаршчыкаў доля галасоў за Трампа вырасла да 15% у параўнанні з 8% у 2020 годзе. Аналагічны скачок адбыўся і з лацінаамерыканцамі — Трамп атрымаў 41% галасоў гэтай групы выбаршчыкаў, што на 6 пунктаў вышэй, чым у 2020 годзе.
Агулам, Камала Харыс не здолела пераканаць амерыканскіх выбарцаў у сваёй здольнасці стаць эфектыўным і моцным прэзідэнтам. Трампа лічылі лепшым у здольнасці палепшыць эканоміку, і гэта прадвызначыла вынік выбараў.
Прэзідэнцкая гонка ў ЗША радыкальна падзяліла маладых жанчын і мужчын. У каго якія прыярытэты?
«Зменаў у палітыцы па Беларусі не будзе, але ёсць нюансы». Валер Кавалеўскі — пра тое, чаго чакаць ад Трампа
Ціханоўская павіншавала Трампа з перамогай на выбарах
Дональд Трамп абвясціў сваю перамогу на выбарах
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі26
Каментары
Карацей, тупых некалькі больш, яны перамагаюць колькасцю.
Гэта пры дэмакратыі. Пры аўтарытарызме (Расея) тупых значна больш.
Пра інфляцыю, wokeness, пагаршэнне узроўню жыцця, крымінал, cancel culture, бескантрольную міграцыю, моўныя дыктаты і спробу выехаць выключна на тым, што ты супраць "фашызму", натуральна, няма ні слова. Што ж, хай далей жывуць у сваім свеце.