Hramadstva3838

Maksim z Łatvii pierajechaŭ u Biełaruś. Ciapier raskazvaje, jak dobra, kali častku zarobku vydajuć praduktami

Maksim zachaplajecca dyktaturaj i ŭspaminaje žyćcio ŭ Łatvii jak strašny son. Adnak jość niuans. 

Maksim vyjechaŭ z Łatvii ŭ Biełaruś. Skrynšot ź jahonaha videa ŭ tyktoku

Maksim kaža, što «źbieh z Prybałtyki» ŭ Biełaruś i tut žyvie ciapier adzin u domie płoščaj 120 kvadrataŭ — jon nie ŭdakładniaje dzie, mahčyma, u ahraharadku. Jon kaža, što pierajechaŭ jak etničny biełarus.

Kaža, što atrymaŭ pieršy zarobak — i byŭ pryjemna ździŭleny. Ale vy naŭrad ci zdahadajeciesia, čym. Pradukty zamiest častki zarobkaŭ — nie redkaja praktyka na biełaruskich dziaržaŭnych pradpryjemstvach, jakaja nie vielmi ciešyć miascovych žycharoŭ. Ale mihrant z Łatvii byŭ, zdajecca, ščaślivy ad takoha pavarotu. Kaža, «Šok paśla Prybałtyki». Udakładniać miesca svajoj pracy mužčyna admaŭlajecca, ale padkreślivaje, što heta «prostaja dziaržaŭnaja praca».

U raźlikovym liście jaho ździviła adna hrafa. Błohieru rastłumačyli, što jon maje prava na 174 rubli nabrać niejkich praduktaŭ u peŭnaj kramie.

— U Prybałtycy takoha niama, tamu ja nie zrazumieŭ. A mnie tłumačać: «Jość peŭnaja krama, ty možaš tudy pajechać i vybrać tavaraŭ na 174 rubli».

Błohier pajechaŭ u tuju kramu i spytaŭ, ci sapraŭdy jon moža tak zrabić. Jamu adkazali, što, kali jon jość u śpisach, to tak.

— Ja ŭ lohkim šoku, bo mahu nabrać praduktaŭ na 174 rubli prykładna stolki ž, kolki b ja nabraŭ u Łatvii na 200-300 abo 400 jeŭra.

Potym błohier usio ž dadaŭ, što zarobak u jaho nievialiki, ale ž voś hety bonus z praduktami vielmi ciešyć.

— Ja nie viedaju, jak heta nazvać. Dyktatura? Mabyć, dyktatura sacyjalizmu.

Mienš čym za sutki rolik nabraŭ kala 730 tysiač prahladaŭ i 17,5 tysiač łajkaŭ. Ale najbolš załajkany kamientaryj taki: «Bo ŭ Prybałtycy ludzi pracujuć za hrošy, a nie za baton».

Mužčyna vielmi lubić raspaviadać pra žudasnyja pakuty, ź jakimi sutykajucca ruskamoŭnyja ludzi ŭ Łatvii — i jak byccam by šukajuć prytułak u Biełarusi.

Adzin ź niadaŭnich prykładaŭ u historyjach mužčyny — siamja z 12 dziećmi, jakaja rašyłasia na emihracyju:

— Viedajecie, čamu? Bo susiedzi, łatyšy, uvieś čas skardzilisia, što pobač biehaje šmat ruskich dziaciej. Jany vyklikali palicyju. A jašče dziaržava chacieła pazbavić našych, ruskich, baćkoŭ baćkoŭskich pravoŭ praz toje, što ich dzieci — ruskija dzieci — byccam by drenna havorać na łatyšskaj.

Tamu, pa słovach błohiera, tata i maci vyrašyli na dźviuch mašynach terminova evakujavacca ŭ Biełaruś. Jon razvažaje, što było b, kali b dzieci zastalisia ŭ Łatvii:

— Chutčej za ŭsio, dziaržava zabrała b ich, pasialiła b u niejki dziciačy internat. I ź dziaciej by zrabili łatyšoŭ nietradycyjnaj seksualnaj aryjentacyi.

Pry hetym svaje pryhody Maksim sprabuje kanviertavać u hrošy. Va ŭsich svaich sacsietkach mužčyna paznačaje danyja kartak, kudy prosić pieravodzić danaty.

Kamientary38

  • daviedka
    09.11.2024
    Roman Samul tožie pieriejechał iz Rihi v Biełaruś i sovsiem niedavno s niedovolnym vidom dieliłsia radostnoj novosťju na BT, čto ustroiłsia v kołchoz i połučił dom.)
  • Abarmot
    09.11.2024
    Da už, situacija: adiekvatnyje ludi biehut iz biełarusi, nieadiekvatnyje maksimy tuda pieriejezžajut. S odnoj storony, niepłocho było by vsiech fanatov sssr sobrať v odnom miestie, čtob oni v ostalnych stranach hołovy nie durili ludiam. S druhoj - žałko smotrieť na to, vo čto prievraŝajetsia Biełaruś
  • Ohoniek
    09.11.2024
    ., i vot nie leń vam odin i tot žie kommient pod vsiemi tiekstami pisať?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Stała viadoma, za što buduć sudzić pieršaha namieśnika načalnika Kiraŭnictva spravami Łukašenki2

Stała viadoma, za što buduć sudzić pieršaha namieśnika načalnika Kiraŭnictva spravami Łukašenki

Usie naviny →
Usie naviny

U Fiładelfii raźbiŭsia samalot sanitarnaj avijacyi. Zahinuli šeść čałaviek2

Tramp zajaviŭ, što jany z Pucinym mohuć zrabić niešta «značnaje» dla spynieńnia vajny Rasii va Ukrainie16

Były kamandzir Pałka Kalinoŭskaha Dzianis «Kit» Procharaŭ raskazvaje, čym ciapier zajmajecca50

Navukoviec z Homiela vykryŭ maštabnuju falsifikacyju vynikaŭ pierapisu ŭ Biełarusi. Ale jość niuans24

Biełarus paŭhoda «inviestavaŭ» hrošy machlaram i straciŭ 120 tysiač rubloŭ1

Miedyki kančatkova vyznačyli, ci škodna jeści bulbu7

«Kroŭ vajny». Čym važnyja ataki Ukrainy na rasijskija NPZ i ci jość ad hetaha efiekt1

Niamiecki Bundestah adchiliŭ zakonaprajekt ab pastrožańni mihracyjnaha zakanadaŭstva8

Z 1 lutaha ZŠA ŭvodziać vysokija myty suprać tavaraŭ z Kitaja, Kanady i Mieksiki25

bolš čytanych navin
bolš łajkanych navin

Stała viadoma, za što buduć sudzić pieršaha namieśnika načalnika Kiraŭnictva spravami Łukašenki2

Stała viadoma, za što buduć sudzić pieršaha namieśnika načalnika Kiraŭnictva spravami Łukašenki

Hałoŭnaje
Usie naviny →

Zaŭvaha:

 

 

 

 

Zakryć Paviedamić