Hramadstva33

Dzim Dzimyča nie ŭziali ŭ łukašenkaŭskuju «Biełuju Ruś»

Dniami papularny padletkavy śpiavak i błohier Dzim Dzimyč u sacsietkach zajaviŭ, što ŭstupiŭ u praŭładnuju partyju «Biełaja Ruś». Akazałasia, jon paśpiašaŭsia. U aficyjnym telehram-kanale partyi «Biełaja Ruś» źjaviŭsia adkaz na jaho zajaŭku ab pryjomie ŭ partyju. 

Fota ź instahrama błohiera

«U adno sa staličnych adździaleńniaŭ Biełaruskaj partyi «Biełaja Ruś» źviarnulisia błohiery i muzyčnyja vykanaŭcy Dźmitryj Siŭčyk i Uljana Stalarova (padletkavy błohier Ulka Pulka — NN) z prośbaj ab ustupleńni ŭ šerahi partyjcaŭ. Razhledzieŭšy ich zajavy, kiraŭnictva «Biełaj Rusi» pryniało rašeńnie admović ab pryjomie ŭ partyju ŭ suviazi z tym, što dziejnaść hetych hramadzian supiarečyć statutu i prahramie partyi», — havorycca ŭ adkazie. 

Pierad hetym Volha Bondarava pachvaliłasia, što joj paabiacali, što Dzim Dzimyča ŭ partyju nie voźmuć. 

«U partyi «Biełaja Ruś» — sapraŭdy dastojnyja hramadzianie našaj krainy, dla jakich honar, hodnaść — nie prosta słovy, a žyćciovyja aryjenciry. Adnym z takich pryncypovych ludziej źjaŭlajecca kiraŭnik partyjnaj arhanizacyi Pieršamajskaha rajona Minska Siarhiej Anatoljevič Mazoŭka. Jak nam stała viadoma, Siarhiej Anatoljevič zaniaŭ ćviorduju pazicyju ŭ spravie abarony maralnych asnoŭ hramadstva i nie dapuściŭ publičnaha prynižeńnia partyi supracoŭnictvam z prapahandystami ŁHBT, narkotykaŭ i hvałtu.

Dzim Dzimyč nie ŭstupić u partyju «Biełaja Ruś», paviedamiŭ palityk», — napisała Bondarava.

I mieła racyju. 

Siarhiej Mazoŭka — heta toj samy funkcyjanier, jaki z uśmieškaj i palcam uvierch paziravaŭ na fota razam ź Dzimam Dzimyčam i inšymi błohierami.

Mazoŭka — były vajskoviec, pałkoŭnik u adstaŭcy. Jon pracavaŭ načalnikam ahulnavajskovaha fakulteta Vajennaj akademii, a potym pajšoŭ na pasadu partyjnaha funkcyjaniera «Biełaj Rusi». Doŭhi čas jon ź`iaŭlajecca deputatam Minharsavieta.

U 2021 hodzie abjadnańnie byłych siłavikoŭ apublikavała aŭdyja, na jakim mužčyna z hołasam, padobnym na Mazoŭku, u žniŭni 2020 hoda zahadvaje kursantam być hatovymi stralać pa mirnych pratestujučych na paražeńnie bajavymi patronami.

U sakaviku 2022 hoda ŭ hutarcy z čytačkaj «Našaj Nivy» Mazoŭka admaŭlaŭ, što rasijskija vojski atakavali Ukrainu z terytoryi Biełarusi, kazaŭ, što «prablemy miru tut ni pry čym» i zajaviŭ, što vajavać nie źbirajecca.

Dzim Dzimyč staŭ šyroka viadomy pa-za miežami svajoj aŭdytoryi, dziakujučy danosam Volhi Bondaravaj i jaje paplečnikaŭ. Jany vinavacili błohiera ŭ ŁHBT-prapahandzie. Taksama Bondarava aburałasia, što błohier apranajecca ŭ ružovaje, a ŭ niekatorych žartaŭlivych rolikach byŭ u sukiency.

Paśla jaje skarhaŭ z sajta «Jeŭraopta» źniali rekłamu ź Dzim Dzimyčam, a jaho samoha adpravili ŭ efir da prapahandysta Ryhora Azaronka. 

Paźniej błohiera-miljońnika vyklikali ŭ Ministerstva kultury. «Tam my parazmaŭlali nakont majho kantentu, unieśli pravilnyja karekciroŭki», — raspavioŭ błohier u instahramie.

Paśla danosaŭ Dzim Dzimyču zabaranili vystupać u škołach. Jon padavaŭ u sud na Bondaravu i, pavodle jaje słoŭ, prajhraŭ jaho. 

Niadaŭna stała viadoma, što ź Dzim Dzimyčam, Saładucham i Jarmolenkam dla Łukašenki zapisali pieśniu «Nado!». 

Ciapier sprava dajšła i da sproby ŭstupleńnia ŭ łukašenkaŭskuju partyju. 

Kamientary3

  • daviedka
    14.11.2024
    V partiju «Biełaja Ruś» čieriez postjel obŝiestviennuju orhanizaciju «Biełaja Ruś».
  • Alek. Ru
    15.11.2024
    Na fota da čaho ž brydkija cëtki,abo žančyny? I možna dać I 20 , I 45. Nu jak tak siebie zapuścić...
  • Tamošnij
    15.11.2024
    Čto biełaja ruś čto dimyč odnoho pola jahody. Nu a bondarieva była prava nasčiet nieho, jeho poviedienije kak čiełovieka kak by žirno namiekajet o jeho orijentacii po žiźni. K tomu žie so vstuplenijem v partiju u nieho vyšieł silnyj koričnievyj konfuz v majtkach))
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Špakoŭski daŭ zrazumieć, što znakavych palitviaźniaŭ mohuć vyzvalić pry ŭmovie vyjezdu za miažu18

Špakoŭski daŭ zrazumieć, što znakavych palitviaźniaŭ mohuć vyzvalić pry ŭmovie vyjezdu za miažu

Usie naviny →
Usie naviny

Pamior Pavieł Rudzienia — nieviduščy radyjoviadučy ź Minska

Čałaviek ź fizičnaj invalidnaściu ŭpieršyniu staŭ kasmanaŭtam2

Jak ułasnymi rukami stvaryć VPN-siervier, jaki ciažka budzie zabłakavać — padrabiazny hajd22

Ci prajhrali ludzi, jakija pajšli za Babarykam? Adkazvaje Kraŭcoŭ36

Raźviedka ZŠA nie bačyć u Pucina zacikaŭlenaści ŭ realnym mirnym pahadnieńni pa Ukrainie8

Biełarus pravaliŭsia pad lod na voziery i źniaŭ heta na VIDEA

Stała viadoma, što za amierykaniec niadaŭna byŭ vyzvaleny ź biełaruskaj turmy8

Staražytnyja jeŭrapiejcy ŭ bolšaści svajoj byli ciemnaskuryja18

Makron sklikaje druhuju za try dni terminovuju sustreču zachodnich lidaraŭ19

bolš čytanych navin
bolš łajkanych navin

Špakoŭski daŭ zrazumieć, što znakavych palitviaźniaŭ mohuć vyzvalić pry ŭmovie vyjezdu za miažu18

Špakoŭski daŭ zrazumieć, što znakavych palitviaźniaŭ mohuć vyzvalić pry ŭmovie vyjezdu za miažu

Hałoŭnaje
Usie naviny →

Zaŭvaha:

 

 

 

 

Zakryć Paviedamić