Hramadstva22

Komik Naryškin raskazaŭ, jak jamu zabaranili ŭjezd u Litvu

«I ja ničoha lepšaha nie prydumaŭ, jak adpomścić pahraničnikam».

Komik Dźmitryj Naryškin u roli kadebista ŭ prahramie «Noč z Čałym». Skryn videa: chaly_live / YouTube

Dźmitryj Naryškin zhadaŭ pra svajo samaje dziŭnaje padarožža, jakoje skončyłasia zabaronaj na ŭjezd u Litvu. Videa jon vykłaŭ na svaim jutub-kanale.

Pa słovach komika, siabar zaprasiŭ jaho na viasielle ŭ Kłajpiedu. Dla pajezdki Dźmitryj aformiŭ vizu na dva dni.

«Viasielle było na karabli, jaki adychodziŭ z Kłajpiedy. Ja troški pierabraŭ (małady byŭ, mnie tady było 22-23 hady) z ałkaholem. (…) [U vyniku] vyjazdžaŭ ź Litvy na aŭtobusie i ŭžo parušaŭ znachodžańnie — ja ŭžo trochi bolš za dva dni byŭ. Mnie kazali: «Zastańsia, nie śpiašajsia. Zaraz my tabie zrobim daviedku, što ty atruciŭsia. Ty pa daviedcy vyjazdžaješ, i tabie ničoha nie budzie».

Adnak, jak raskazvaje Naryškin, jon nie pasłuchaŭsia paradaŭ i pajechaŭ. Z-za praterminavanaj vizy jaho źniali z aŭtobusa na miažy.

«Mnie zładzili žorstki šmon ź vielmi hłybokim dahladam (kali vy razumiejecie, ab čym ja). Tamu što ja kryčaŭ, što ja hramadzianin Biełarusi. (…) Jany mnie ŭlapili štamp [u pašpart] i skazali, što ŭ mianie zabarona na hod na atrymańnie Šenhienu i ŭjezd u Litvu za toje, što ja praterminavaŭ i tut buziu».

Ale na hetym sprava nie skončyłasia.

«Mnie padałosia hetaha mała. Tym bolš, što ŭ mianie z saboju byŭ zapas ałkaholu. Jany nie zabirali jaho (heta było nierazvažliva ź ich boku). Mianie vyvieli na niejtralnuju zonu, kab mianie pryjšli i sustreli biełaruskija pahraničniki (jany im pazvanili).

Heta było, jak u filmie. Mianie vyvodziać. Ja staju buchuščy, hnievajusia, što mnie nielha budzie hod u Litvu ŭjazdžać, jakuju ja vielmi mocna lublu.

Iduć biełaruskija pahraničniki i kryčać mnie: «Idzi da nas nasustrač!». Ja idu nasustrač i im kryču: «Ja ŭžo ŭ biaśpiecy?!» Jany havorać: «Tak, ty pad našaj achovaj!»

I ja ničoha lepšaha nie prydumaŭ, jak adpomścić voś hetym [litoŭskim] pahraničnikam — źniać štany i pakazać hołuju dupu. Ja byŭ vielmi hordy za siabie. U 22 hady budučy vielmi pjanym», — raskazvaje Naryškin.

Dalej biełaruskija pahraničniki padsadzili Naryškina ŭ mašynu niejkaha dalnabojščyka, i jon paśpiachova dajechaŭ da Minska.

Ale historyja mieła praciah. Praz hod mužčyna źviarnuŭsia ŭ konsulstva Litvy pa vizu.

«Usio. Hod prajšoŭ. Ja idu, padaju dakumienty. Mnie prychodzić admova. Mnie addali list, tam unutry pašpart, admova i fatahrafija mianie z hołaj dupaj, i napisana: «U vas nie hod [zabarony na ŭjezd], u vas try hady».

Pa słovach Naryškina, bolš tak jon nie rabiŭ.

Kamientary2

  • Jazep
    20.11.2024
    [Red. vydalena]
  • Ramanie
    20.11.2024
    Redakcyja, pastaŭcie tuju fotku na zahałovak)
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Udava aktyvista Maksima Čarniaŭskaha raskazała pra jaho pakuty pierad suicydam5

Udava aktyvista Maksima Čarniaŭskaha raskazała pra jaho pakuty pierad suicydam

Usie naviny →
Usie naviny

Jak źvieści ryzyku infarktu da minimumu?

Biełarus nadrukavaŭ na 3D-pryntary pistalet-kulamiot2

Azaraŭ raskazaŭ, čym budzie zajmacca jaho detektyŭnaje biuro «Reks»6

Čarhovy skandał z administracyjaj Trampa: žurnalisty znajšli ŭ internecie piersanalnyja danyja top-čynoŭnikaŭ4

«Moj zarobak u Polščy vyras u dziesiać razoŭ» — hiniekołah Hanna Kasko49

Ministr abarony Litvy: Niama harantyi, što vajskoŭcy ZŠA ŭ mašynie — praviarajucca i inšyja viersii1

Kala novaj stancyi mietro chočuć źnieści pryvatny siektar i dvuchpaviarchoŭki. Minčan kličuć na abmierkavańnie5

U Minsku źjavilisia elektrasamakaty «Jandeks Go»

Udzielnicam «Mis Biełaruś» dazvolili mieć tatuiroŭki i pirsinh4

bolš čytanych navin
bolš łajkanych navin

Udava aktyvista Maksima Čarniaŭskaha raskazała pra jaho pakuty pierad suicydam5

Udava aktyvista Maksima Čarniaŭskaha raskazała pra jaho pakuty pierad suicydam

Hałoŭnaje
Usie naviny →

Zaŭvaha:

 

 

 

 

Zakryć Paviedamić