Zdareńni33

«Heta zamach na zabojstva». Pad Hrodnam niechta naciahnuŭ drot nad ściežkaj, dzie katajucca matacyklisty

U lesie niepadalok ad Hrodna jość ściežka, papularnaja ŭ matacyklistaŭ i ravarystaŭ. Adnak chtości vyrašyŭ zrabić jaje niebiaśpiečnaj.

Fota: «AvtoHrodno»

Ściežka ŭ lesie kala zakinutych karjeraŭ pad Hrodnam karystajecca papularnaściu ŭ matacyklistaŭ. Ale napiaredadni viečaram čarhovaja motaprahułka ledź nie skončyłasia trahiedyjaj.

Matacyklisty cudam paśpieli zatarmazić pierad drotam, jaki chtości naciahnuŭ nad ściežkaj na ŭzroŭni šyi, piša «AvtoHrodno».

«My ź siabrami ŭčora vyjechali pakatacca kala krejdavych karjeraŭ na matacykłach. Zusim vypadkova ŭ ciemry pad śviatłom far zaŭvažyŭ pierad saboj liniju i paśpieŭ zatarmazić.

Heta toŭsty drot, jaki byŭ metanakiravana i nadziejna naciahnuty pamiž dvuma drevami jakraz nad mota– i viełaściežkaj. Heta zamach na zabojstva, inšych słoŭ u mianie niama», — raskazaŭ śviedka.

Matacyklisty śpiešylisia, prajšlisia ŭzdoŭž ściežki i vyjavili taki ž samy drot u jašče adnym miescy.

U lesie kala karjeraŭ matacyklisty zajmajucca dyscyplinaj pad nazvaj Endura — heta ekstremalny motasport ź pieraškodami. Śpiecyjalna dla zaniatkaŭ amatary nakatali ściežki ŭdalečyni ad žyłych damoŭ. Na hetych ściežkach stali katacca i ravarysty. Palubiłasia hetaja łakacyja i biehunam.

Matacyklisty nie viedajuć, kamu jany mahli pieraškadžać.

«Jašče niekalki hadoŭ tamu nam zrabili zaŭvahu žychary chutara, jaki znachodzicca niepadalok. My pačuli prośbu i zrušylisia ŭhłyb, ciapier zaŭvah ad žycharoŭ chutara nie pastupaje. Uvohule, u nas niama idej, chto moh naciahnuć drot u dvuch miescach nad hetaj ściežkaj», — adznačyŭ matacyklist.

Ciapier spartoŭcy źbirajucca praviarać ściežku pierad kožnym zajezdam. Praz vydańnie jany źviarnulisia da taho, chto naciahnuŭ drot, z prośbaj źviazacca ź imi i rastłumačyć sutnaść kanfliktu, kab znajści rašeńnie.

Akramia taho, na miescy ŭžo pabyvali milicyjaniery. Ci pravodzicca pravierka pa hetym fakcie, pakul nieviadoma.

Kamientary3

  • inua
    20.11.2024
    Pamiataju, ściežka pryznačana dla piešachodaŭ i ravarystaŭ i źjaŭlajecca častkaj aficyjnych maršrutaŭ; apošnija hady jaje akupavali matacyklisty i kvadracyklisty. Ty idzieš i atrymoŭvaješ asałodu ad pryrody, a tut na ciabie vyskokvaje matacyklist - tyja jašče adčuvańni. Słužkam Łukašenki na heta načchać - jedźcie za 30 km ad horada i atrymoŭvajcie asałodu ad pryrody tam. Ale biez sumniovaŭ, naciahnuty drot moh paškodzić nia tolki matacyklistaŭ, ale i piešachodaŭ z ravarystami.
  • Hłos z nad Niemna
    20.11.2024
    Zvyčajnyja "narodnyja msciucy"!
    Bo hetyja ichnija "pakatuški" usich realna zadziaubli. Byli vypadki, kali kalečyli piešych, albo ravarystau.
    Hetaki sposab baraćby z bajkierami nie novy, takim čynam kłali na hlebu šarahoucau matacykletnych bandau u Amerycy.
    Taksama, takim čynam ludzi, jakija zajmalisia pazakonnaj vysiečkaj dreu baranilisia ad hajovych na matacykłach na našych abšarach!
    Jość śpiecyjalnaja trasa pad Karalino, tak nie... tam nie cikava im, tady atrymlivajcie pa pounaj, kali Vam ź pieršaha raza nie załazić!
  • Vo
    21.11.2024
    Ŭ mianie na leciščy taksama taki źjaviŭsia.
    Jon tam adzin ŭsiaho, ale nadta zaŭziaty.
    Ŭsiu subotu lotaje na kvadracykle.
    Chaj by pa lesie, ci poli kataŭsia - nie, vakoł chat dziaŭbie i dziaŭbie ceły dzień. Pył staić jak na ralli paryž-dakar.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Kali vy ŭ Litvie, to možacie za chvilinu padtrymać «Našu Nivu» padachodnym padatkam, nie patraciŭšy svaich hrošaj. Voś jak3

Kali vy ŭ Litvie, to možacie za chvilinu padtrymać «Našu Nivu» padachodnym padatkam, nie patraciŭšy svaich hrošaj. Voś jak

Usie naviny →
Usie naviny

«Horš za Miunchien». Reakcyja jeŭrapiejskich palitykaŭ na zajavy Trampa ab pieramovach z Pucinym59

Nie restaŭracyja, a paśmiešyšča. U Ružanach «zarestaŭravali» rezidencyju Sapiehaŭ13

Siadzieńni ŭ samalotach stanuć dvuchpaviarchovymi? Airbus stvaraje inavacyjny dyzajn13

Štości ŭzarvałasia nad Homielem. Mahčyma, čarhovy rasijski šachied źbiŭsia z darohi7

«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit22

Vyzvaleny ŭ Biełarusi amierykaniec — nie advakat Juraś Ziankovič5

Rasija nie moža z-za sankcyj pradać miljony barelaŭ nafty i rychtujecca skaračać zdabyču12

Tramp i Zialenski raskazali, pra što siońnia razmaŭlali pamiž saboj pa telefonie3

Sabačka Žuža bolš nie žyvie na zapraŭcy — jaje zabrali ŭ dom7

bolš čytanych navin
bolš łajkanych navin

Kali vy ŭ Litvie, to možacie za chvilinu padtrymać «Našu Nivu» padachodnym padatkam, nie patraciŭšy svaich hrošaj. Voś jak3

Kali vy ŭ Litvie, to možacie za chvilinu padtrymać «Našu Nivu» padachodnym padatkam, nie patraciŭšy svaich hrošaj. Voś jak

Hałoŭnaje
Usie naviny →

Zaŭvaha:

 

 

 

 

Zakryć Paviedamić