«Pa-ŭsiakamu byvaje. Tak dziaržava vyrašyła, tak zrabiła». Litoŭskija čynoŭniki prakamientavali spravu Vieramiejčyka

Ministr nacyjanalnaj abarony Litvy Łaŭrynas Kaščunas adkazaŭ telekanału «Biełsatu», što asabista nie znajomy ź situacyjaj vakoł Vieramiejčyka, ale zapeŭniŭ, što instytucyi Litvy pracujuć pavodle svaich ałharytmaŭ:

«Kali byli niejkija źviestki, što jon moža być źviazany z režymam ci niejkaj inšaj ryzykaj, zrabili takoje rašeńnie. Pa-ŭsiakamu byvaje. Tak dziaržava vyrašyła, tak zrabiła».

Jon paŭtaryŭ, što «treba hladzieć u hetuju kankretnuju situacyju», a praviarać kožnuju situacyju musić praviarać Departamient mihracyi. U toj ža čas čynoŭnik dadaŭ, što pierajezd Vieramiejčyka ŭ Vjetnam naŭrad ci byŭ «najlepšym varyjantam», bo Vjetnam maje suviazi z Rasijaj i Alaksandram Łukašenkam.

Vieramiejčyk — daloka nie pieršy biełarus, jakoha ŭ Litvie nazvali «pahrozaj nacyjanalnaj biaśpiecy». Čamu Litva bačyć pahrozu navat u tych, chto zmahajecca suprać režymu Łukašenki ci rasijskaj ahresii? Kaščunas adkazaŭ, što treba «hladzieć indyvidualna na kožny aśpiekt» — i što Litva, maŭlaŭ, tak i robić.

«U nas biełarusaŭ šmat, — raskazvaje Kaščunas. — Pytańnie, nakolki my možam situacyju kantralavać, nakolki heta niebiaśpiečna dla našaj krainy ci nie. Naprykład, kali pryjazdžajuć ludzi, jakija pa-sapraŭdnamu pracujuć z režymam, to heta niadobra dla našaj biaśpieki. Nu i našyja filtry ciapier pačynajuć pracavać — pracujuć tak, jak jany mohuć pracavać, voś i ŭsio. Pavinny praviarać ludziej, jakija chočuć tut žyć. Narmalna».

Niespraviadlivaha staŭleńnia da biełarusaŭ u Litvie Kaščunas nie bačyć:

«Kožnaja dziaržava dumaje pra svaju nacyjanalnuju biaśpieku. Kali jość fakty takija, što ludzi, jakija tut pražyvajuć, ale jany pryjazdžajuć damoŭ u Biełaruś, rehularna heta robiać, tady pytańnie, čamu jany tak robiać: jość niejkaja suviaź z režymam, ci niama takoj suviazi z režymam? Moža, jany atrymlivajuć niejkija zadańni ŭ Biełarusi, potym pryjazdžajuć siudy i vykonvajuć tut hetyja zadańni. Heta ž, viedajecie, možna adkryć usiu miažu, kab usie pryjazdžali, a sensu z taho? Dziaržava ž pavinna praviarać, chto tut žyvie. Narmalna».

Ci moža paśla vypadku Vieramiejčyka źmianicca padychod?

«Byvajuć takija vypadki, što nie pravieryš — i budzieš mieć incydent, — adkazaŭ Kaščunas. — Kaniešnie, treba hladzieć akuratna. Nie pytańnie, treba akuratna hladzieć, kab nie było takich situacyj».

Ministarka ŭnutranych spraŭ Litvy Ahnie Biłatajcie ŭ kamientary «Biełsatu» skazała, što litoŭskija instytucyi i ŭ pryvatnaści Departamient dziaržaŭnaj biaśpieki musiać patłumačyć situacyju ź Vieramiejčykam, bo mahčyma, što jość bolš infarmacyi, čym apublikavana ciapier. Pakul ža jana moža kazać tolki pra publičnuju infarmacyju. Rašeńni pra Vieramiejčyka — pytańnie nie MUS, a instytucyi, jakaja adkazvaje za dziaržaŭnuju biaśpieku. 

Pavialičyć

Zatrymanaha ŭ Vjetnamie byłoha vajskoŭca pałka imia Kastusia Kalinoŭskaha Vasila Vieramiejčyka ekstradavali ŭ Biełaruś tydzień tamu, adrazu paśla zatrymańnia. Pierad hetym Litva pryznała jaho «pahrozaj nacyjanalnaj biaśpiecy» za toje, što ŭ 2010-2016 hadach mužčyna słužyŭ u biełaruskim vojsku. Zabarona była raspaŭsiudžanaja taksama na ŭvieś Jeŭrasajuz. Taksama ŭ vyniku kanfliktu sa štabam Pałka Kastusia Kalinoŭskaha Vieramiejčyku nibyta byŭ zakryty ŭjezd va Ukrainu.

• 2
• 8
• 1
• 3
• 0
• 2
• 15
• 0