Błohier Šery Kot, aryštavany jašče da vybaraŭ-2020, nie vyjdzie paśla skančeńnia terminu
Źmitra Kazłova, jaki ŭžo pravioŭ u źniavoleńni čatyry z pałovaj hady, buduć znoŭ sudzić.
U sudzie Babrujskaha rajona i Babrujska 29 listapada buduć razhladać čarhovuju kryminalnuju spravu suprać błohier jutub-kanała «Šery kot». Pry hetym 28 listapada, za dzień da suda, u palitviaźnia skančajecca termin źniavoleńnia i jon musiŭ byŭ vyjści na volu z babrujskaj kałonii № 2.
Ale, mierkavana, z kałonii jaho naŭprost pieraviaduć u SIZA, piša «Viasna».
Hetym razam Źmitra abvinavačvajuć pavodle art. 411 Kryminalnaha kodeksa (złosnaje niepadparadkavańnie patrabavańniam administracyi kałonii). Spravu budzie razhladać sudździa Pavieł Karcinin. Ciapier Źmitru pahražaje da dvuch hadoŭ źniavoleńnia ŭ kałonii strohaha režymu.
U źniavoleńni palitviaźnia ŭtrymlivajuć amal 4,5 hady.
Źmicier Kazłoŭ — błohier jutub-kanała «Šery kot». Źmicier aktyŭna ŭdzielničaŭ u akcyjach pratestaŭ suprać intehracyi z Rasijaj zimoj 2019 hoda. Za ŭdzieł, strymy i zakliki da ŭdziełu staŭ rekardsmienam pa kolkaści sutak administracyjnaha aryštu: tady jaho pakarali 120 sutkami.
Jaho zatrymali 10 červienia 2020 hoda razam z aktyvistami «Jeŭrapiejskaj Biełarusi».
Na nastupny dzień jon byŭ asudžany na 20 sutak aryštu pavodle administracyjnych artykułaŭ. U hety ž dzień stała viadoma, što jon staŭ fihurantam spravy pa č. 1 art. 342 Kryminalnaha kodeksu (arhanizacyja ci ŭdzieł u hrupavych dziejańniach, jakija hruba parušajuć hramadski paradak). Ale kančatkova Źmitru vystavili abvinavačvańnie pavodleč. 1 art. 13 i č. 2 art. 293 (padrychtoŭka da ŭdziełu ŭ masavych biesparadkach).
25 maja 2021 hoda sudździa Iryna Łančava pryznačyła jamu piać hadoŭ kałonii va ŭmovach uzmocnienaha režymu.
Ciapier čytajuć
Jaŭhien Dudkin: Ja byŭ sakretnym supracoŭnikam KDB. Ale tolki da 2016 hoda11
Kamientary
Paśla jaho śmierci ŭsich tak zvannych sudździaŭ, i siłavikoŭ treba sudzić na vielizarnyja terminy biez prava pamiłavańnia