Žonka Vieramiejčyka: Paśpieŭ napisać dačce adno słova — departacyja
Apošni raz zatrymany ŭ Vjetnamie i vyviezieny ŭ Biełaruś eks-kalinoviec Vasil Vieramiejčyk vychodziŭ na suviaź z dačkoj tydzień tamu. Pra heta jahonaja žonka Jaŭhienija raskazała LRT.
«Apošniaje paviedamleńnie, jakoje jon paśpieŭ adpravić našaj dačce — heta byŭ minuły čaćvier, roŭna tydzień tamu — heta było adno słova — departacyja. I z tych časoŭ na suviazi jaho nie było», — raspaviała žonka Vasila.
Byłoha kalinoŭca zatrymali ŭ Vjetnamie 13 listapada, a vydali Biełarusi 14-ha.
34-hadovy Vieramiejčyk skončyŭ Vajskovuju akademiju Biełarusi i słužyŭ u Piečach. Sa słužby jon zvolniŭsia ŭ 2016 hodzie, paśla čaho pracavaŭ u IT.
U 2020 hodzie jon padtrymaŭ ruch za svabodnyja vybary, udzielničaŭ u mitynhach i maršach. U listapadzie 2020 hoda jaho zatrymali pa padazreńni ŭ padpałach aŭtamabilaŭ supracoŭnikaŭ prakuratury — jakaja ŭžo tady stała adnym z hałoŭnych arhanizataraŭ masavych represij. Ale paśla 10 sutak aryštu jon vyjšaŭ na volu: dokazaŭ nie znajšli.
Napačatku 2021 hoda praz pahrozu paŭtornaha aryštu emihravaŭ va Ukrainu i žyŭ ź siamjoj u Lvovie.
Paśla napadu Rasii na Ukrainie jon adrazu, u lutym 2022 hoda, dałučyŭsia da biełaruskaha bataljona imia Kastusia Kalinoŭskaha. Słužyŭ u im namieśnikam kamandzira bataljona «Vołat» i byŭ uznaharodžany miedalom «Ukraina pierš za ŭsio».
Viadomy pad pazyŭnym «Pacuk», jon udzielničaŭ u bajach u Chiersonskaj, Mikałajeŭskaj i Łuhanskaj abłaściach.
Były aficer, vyžyŭ u strašnym bai. Chto toj kalinoviec Vieramiejčyk, jakoha Vjetnam addaŭ biełaruskamu KDB?
«Skazaŭ: ja tut ničoha prasić nie budu». Žonka raskazała, jak Vieramiejčyka pryznali pahrozaj u Litvie
«Niahledziačy na sposab lehalizacyi, treba paznačać i pratesnuju dziejnaść». Jurkonis pra situacyju ź Vieramiejčykam
Departamient dziaržbiaśpieki Litvy: Znachodžańnie Vieramiejčyka na terytoryi krainy ŭjaŭlała pahrozu nacyjanalnaj biaśpiecy
Abjavili zbor na padtrymku Vasila Vieramiejčyka
Paśla 2020-ha ad Jarmošynaj admoviŭsia navat sadoŭnik, jaki stryh jaje kusty ŭ Drazdach4
Kamientary