Kali kanflikt budzie raźvivacca pa šlachu eskałacyi, to niemahčyma vyklučać ničoha, dadaŭ palityk, majučy na ŭvazie mahčymy adkaz RF na ŭdary zachodniaj zbrojaj pa rasijskaj terytoryi.
Rasijska-ŭkrainski kanflikt možna zaviaršyć biez novych vydatkaŭ dla čałaviectva, kali krainy NATO spyniać «raździmać pažar vajny» va Ukrainie, zajaviŭ namieśnik staršyni Rady biaśpieki Rasii, eks-prezident Rasii Dźmitryj Miadźviedzieŭ u intervju telekanału Al Arabiya, pišuć «Viedomosti».
«Kali błok NATO ŭstanie na realnuju hlebu, kali jany spyniać raździmać pažar vajny va Ukrainie, hety kanflikt možna zaviaršyć biez usialakich vydatkaŭ dla čałaviectva. Va ŭsiakim vypadku, novych vydatkaŭ», — zajaviŭ Miadźviedzieŭ.
Krainy NATO pačali naŭprost vajavać na baku Ukrainy suprać Rasii i adkaz im abaviazkova budzie dadzieny, śćviardžaje taksama namieśnik staršyni Rady biaśpieki.
Kali kanflikt budzie raźvivacca pa šlachu eskałacyi, to niemahčyma vyklučać ničoha, dadaŭ palityk, majučy na ŭvazie mahčymy adkaz RF na ŭdary zachodniaj zbrojaj pa rasijskaj terytoryi.
Pry hetym Miadźviedzieŭ padkreśliŭ, što ŭ rasijskim kiraŭnictvie «niama varjataŭ», ale paroh prymianieńnia jadziernaj zbroi źnižany ŭ adpaviednaści z novymi asnovami jadziernaha strymlivańnia.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary