Uładalnica kram u Breście i Hrodnie vypuściła advent-kalandar ź vielmi dziŭnym napaŭnieńniem
Jaŭhienija Tarasienka, zasnavalnica kram padarunkaŭ i prysmakaŭ, vypuściła svoj advent-kalandar. Adnak da napaŭnieńnia i koštu ŭ biełarusaŭ uźnikli pytańni, piša Citydog.io.
Advent-kalandar, jaki pakazała Jaŭhienija Tarasienka — limitavanaja kalekcyja, i ŭ prodažy ich jość tolki 100 štuk. U skryncy 24 jačejki, a ŭsiaredzinie, pa słovach dziaŭčyny, «vielmi krutoje napaŭnieńnie» z prysmakami i «kłasnymi firmovymi rečami».
Košt advent-kalendara — 150 rub. Kupić jaho možna ŭ troch kramach biełaruski: u Breście na Hohala, 81, u Hrodnie na Kirava, 18 i Savieckich Pamiežnikaŭ, 57.
Adna z karystalnic instahrama kupiła advent-kalandar pradprymalnicy i pakazała jaho napaŭnieńnie. Pa słovach biełaruski, vyhlad u skrynki šykoŭny, adnak paśla adkryćcia ŭsich jačejek jana skazała, što «heta, napeŭna, samy niaŭdały advent-kalandar, jaki ja bačyła».
Unutry jačejek było šmat usialakich «drabnic» z ceńnikami. Naprykład, cukierki «za 60 kapiejek», draže i žujki. Taksama tudy pakłali piečyva z pradkazańniami, marskuju kapustu, birulku, stykiery, fatahrafiju aŭtarki advent-kalendara z pažadańniem, maleńkuju banačku Coca-Cola z kalendarom, žujku Love Is i pačak čypsaŭ, jakija bolš za ŭsio paradavali dziaŭčynu.
Pa słovach biełaruski, jana čakała, što ŭsiaredzinie buduć «kłasnyja firmovyja rečy», jak i abiacała ŭładalnica kram, adnak «ź firmovaha» tam byli tolki birulka i stykiery.
Kamientary