U Haradku za ekstremizm asudzili muzyku, jakoha nie adnojčy pryznavali najlepšym rabotnikam kultury Prydźvińnia
Uładzimira Šakuciova, viadomaha ŭ rehijonie harmanista, nieadnarazovaha pieramožcu tvorčych konkursaŭ, zatrymali 3 śniežnia. Nazaŭtra Haradocki rajonny sud abvinavaciŭ 48-hadovaha mužčynu ŭ «raspaŭsiudzie ekstremizmu» praz sacyjalnyja sietki i asudziŭ da 10 sutak aryštu, piša «Viciebskaja viasna».
Uładzimir Šakucioŭ — supracoŭnik Centra tradycyjnaj kultury i narodnaj tvorčaści Haradockaha rajona. Jon udzielnik narodnaha ansambla harmanistaŭ «Haradocki Parnas», vykanaŭca biełaruskich piesień i stvaralnik narodnaha kalektyvu «Azieryca», jaki papularyzuje miascovyja muzyčnyja tradycyi.
U 2021 hodzie Šakucioŭ staŭ pieramožcam u naminacyi «Indyvidualnyja vykanaŭcy» na muzyčnym konkursie «Barańskija muzyki», u 2018 hodzie na mižnarodnym fiestyvali narodnaj muzyki «Źviniać cymbały i harmonik» atrymaŭ druhuju premiju taksama jak indyvidualny vykanaŭca.
Kalektyŭ «Azieryca» byŭ taksama ŭznaharodžany premijaj «za papularyzacyju narodnaha mastactva, zachavańnie i raźvićcio muzyčnych tradycyj».
U 2016 hodzie Uładzimira Šakuciova ŭhanaravali premijaj Viciebskaha abłvykankama «za vysokija tvorčyja dasiahnieńni ŭ śfiery kultury i mastactva». Sioleta jon byŭ adznačany Hanarovaj hramataj upraŭleńnia kultury Viciebskaha abłvykankama.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary