Pamior Piotr Fidermak — słavacki śviatar, jaki pryčyniŭsia da budaŭnictva nuncyjatury ŭ Minsku
8 śniežnia ŭ Kalininhradzie (Rasija) na 78-m hodzie žyćcia pamior Piotr Fidermak, śviatar Śpišskaj dyjacezii (Słavakija), jaki naležaŭ da ruchu fakalaraŭ i peŭny čas nios słužeńnie ŭ Biełarusi, piša catholic.by.
Piotr Fidermak naradziŭsia 27 lutaha 1947 hoda ŭ vioscy Mnišak nad Popradam u Słavakii ŭ siamji cieślara, dzie było 13 dziaciej. Paśla słužby ŭ vojsku pastupiŭ u duchoŭnuju sieminaryju ŭ Bracisłavie.
Paśviačany ŭ śviatary dla Śpišskaj dyjacezii 10 červienia 1973. Vyvučaŭ fiłasofiju ŭ Papskaj teałahičnaj akademii ŭ Krakavie (Polšča). Słužyŭ probaščam niekalkich parafij u Słavakii, potym sakratarom Kanfierencyi biskupaŭ, vykładčykam sacyjałohii ŭ sieminaryi.
U červieni 1994 hoda Papa Jan Pavieł II nadaŭ jamu hanarovy tytuł kapiełana jaho śviataści, abo papskaha prełata.
Z 1996 hoda słužyŭ u Rasii. Paŭsiul, dzie jamu davodziłasia nieści słužeńnie, ksiondz Piotr byŭ viadomy jak «śviatar-budaŭnik»: aproč pastyrskich abaviazkaŭ kiravaŭ budaŭnictvam katedralnych kaściołaŭ u Novasibirsku i Irkucku, budaŭnictvam i ramontam šmatlikich parafijalnych kaściołaŭ i kaplic (u pryvatnaści ŭ Tule, Kursku, Krasnaznamiensku, Słaŭsku i Nieścieravie), a taksama inšych kaściolnych budynkaŭ, u tym liku Apostalskaj nuncyjatury ŭ Minsku.
Z 2007 hoda słužyŭ u archidyjacezii Maci Božaj u Maskvie ŭ parafijach Tuły, Kurska i ŭ roznych parafijach Kalininhradskaj vobłaści Rasii.
-
«Nie marnujcie čas». Kampanija prajechała 22 kiłamietry ŭ restaran pad Hrodnam, zapłaciła za ŭvachod u jaho, ale zastałasia hałodnaj
-
27 mihrantaŭ paśpiachova pierajšli biełaruska-litoŭskuju miažu, ale zaśviacilisia na kamiery litoŭskich palaŭničych VIDEA
-
«My ŭžo nie postsavieckaje hramadstva». Aleś Bialacki vystupiŭ na Nobieleŭskaj kanfierencyi
Ciapier čytajuć
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1515
Kamientary