Śviet44

Tramp vystupaje za raźmiaščeńnie jeŭrapiejskich vojskaŭ va Ukrainie dla kantrolu nad budučym pieramirjem

Płan Donalda Trampa pa zaviaršeńni vajny va Ukrainie nabyvaje pieršyja abrysy, paviedamlaje vydańnie The Wall Street Journal, jakoje daviedałasia novyja padrabiaznaści sustrečy abranaha prezidenta ZŠA z Uładzimiram Zialenskim i Emanuelem Makronam u Paryžy.

Donald Tramp. Fota: Oleg Nikishin/Getty Images

Asnoŭnaja ideja Trampa ŭ tym, što Jeŭropie daviadziecca ŭziać na siabie asnoŭnuju adkaznaść za padtrymku Kijeva. Sa słoŭ čynoŭnikaŭ, infarmavanych pra trochbakovyja pieramovy ŭ Paryžy 7 śniežnia, Tramp zajaviŭ, što nie padtrymlivaje ŭstupleńnie Ukrainy ŭ NATA, ale chacieŭ by bačyć jaje «mocnaj» i «dobra ŭzbrojenaj» pry lubych umovach spynieńnia bajavych dziejańniaŭ.

U abaronie Ukrainy klučavuju rolu varta adyhrać Jeŭropie, jakaja, miarkuje Tramp, pavinna raźmiaścić svaje vojski, kab kantralavać vykanańnie budučaha pieramirja. Amierykanskija vajskoŭcy ŭ heta ŭciahnutyja nie buduć, dadali krynicy.

Tramp taksama zaklikaŭ Jeŭropu prykłaści bolš namahańniaŭ, kab «prymusić kitajcaŭ nacisnuć na Kreml» i pakłaści kaniec kanfliktu, raskazaŭ adzin z surazmoŭcaŭ. Kali Piekin nie pahodzicca, u jakaści «raźmiennaj maniety» abmiarkoŭvalisia taryfy suprać KNR.

U kamandzie Trampa śćviardžajuć, što pakul jon nie pryviazany da niejkaha kankretnaha płanu dziejańniaŭ u dačynieńni da Ukrainy.

Jahonyja najbližejšyja daradcy ŭsio jašče raspracoŭvajuć prapanovy i pravodziać dla jaho infarmacyjnyja bryfinhi. Klučavyja pastanovy buduć sfarmavanyja ŭ tym liku paśla dadatkovych pieramovaŭ z sajuźnikami, a mahčyma, i z samim Uładzimiram Pucinym, piša WSJ.

Hazieta taksama adznačaje, što Tramp nieadnarazova krytykavaŭ vajskovuju dapamohu ZŠA Ukrainie i siońnia ŭ intervju časopisu Time, jaki nazvaŭ jaho Čałaviekam hoda, vystupiŭ suprać zapusku dalnabojnych rakiet uhłyb Rasii. Adnak častka daradcaŭ Trampa ŭ pryvatnym paradku vitała dazvoł administracyi Džo Bajdena na heta: jany miarkujuć, što jano daść im ryčah cisku na Rasiju, kab padšturchnuć jaje da pieramovaŭ, tłumačyć WSJ.

Dyskusii pa pytańni raźmiaščeńnia jeŭrapiejskich vojskaŭ va Ukrainie znachodziacca na rańniaj stadyi. Aściarohi, što Maskva, kali pahodzicca na pieramirje, moža skarystacca im, kab adnavić siły i raspačać jašče adno ŭvarvańnie na nieakupavanyja ŭkrainskija terytoryi, usio jašče šyroka raspaŭsiudžanyja.

Kamientary4

  • Žvir
    13.12.2024
    Tramp spadziajecca, što kali NATO raźmieścić svaje vojski na padkantrolnych Kijevu terytoryjach, dyk Kreml budzie vymušany spynić svaje ataki j zachop tych terytoryjaŭ, bo heta ŭžo buduć ataki na pazycyi vojskaŭ NATO. Heta moža prymusić Maskvu "zamarozić" front, ale ci spynić heta sam kanflikt ? i ci nie spracuje na karyść Maskvie, bo taja skarystaje čas na adnaŭleńnie svajho vajennaha patencyjalu j vierniecca da praciahu haračaj fazy vajny, ale ŭžo suprać NATO, bo ich ultymatumy da NATO, z patrabavańniem adyjści da miežaŭ 1997 hodu nichto nie admianiaŭ...
  • Janka
    13.12.2024
    Tramp hienieruje stosami nierealistyčnyja idei, adrazu ž zabyvajučysia pra papiarednija. Zdajecca, što vynikam jahonaj papulisckaj palitycy MAGA stanie istotnaje źmianšeńnie ŭpłyvu ZŠA ŭ suśviecie. I navat admova ad dalara na karyść valut bolš palityčna pradkazalnych krain z G7 moža stać davoli realistyčnym varyjantam.
  • Apuścić pachana
    13.12.2024
    Tramp musić raźmiaścić amierykanskuju vajskovuju bazu na ŭschodzie Ukrainy. Inakš impierskaje bydła i dalej budzie panty kidać.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

ZŠA hałasavali ŭ AAN pa rezalucyi nakont vajny va Ukrainie razam z Rasijaj i Biełaruśsiu45

ZŠA hałasavali ŭ AAN pa rezalucyi nakont vajny va Ukrainie razam z Rasijaj i Biełaruśsiu

Usie naviny →
Usie naviny

U centry Minska ludzi vyhulvali sabak prosta pa lodzie Śvisłačy. Ich haniali ratavalniki

«Ich sabaki brešuć pa načach, pałochajuć dziaciej». Žychary šmatpaviarchovika ŭ Minsku skardziacca na susiedziaŭ, što pierajechali z pryvatnaha doma2

Viadomyja imiony minimum 100 tysiač rasijan, jakija zahinuli na vajnie z Ukrainaj10

4,972% — voś čamu heta samaja važnaja ličba niamieckich vybaraŭ19

Udzielniki vajny z Ukrainaj, jakija viarnulisia z vajny, zabili ŭ Rasii jak minimum 240 čałaviek

Vajskoŭca Duduka z 120-j asobnaj miechanizavanaj bryhady sudziać za pieravyšeńnie ŭłady2

Pratasievič: Viadomyja vypadki, kali źniavolenyja admaŭlalisia pryznavać vinu i ŭsio adno atrymlivali pamiłavańnie7

U rasijskaje konsulstva ŭ Marsieli kinuli dva kaktejli Mołatava

«Nichto nie zrabiŭ bolšaje škody dla Biełarusi, čym jon»? List pra Stanisłava Šuškieviča37

bolš čytanych navin
bolš łajkanych navin

ZŠA hałasavali ŭ AAN pa rezalucyi nakont vajny va Ukrainie razam z Rasijaj i Biełaruśsiu45

ZŠA hałasavali ŭ AAN pa rezalucyi nakont vajny va Ukrainie razam z Rasijaj i Biełaruśsiu

Hałoŭnaje
Usie naviny →

Zaŭvaha:

 

 

 

 

Zakryć Paviedamić