Viadučaja «RTR-Biełaruś» raskazała, što tracinu hoda žyvie ŭ Ispanii
U Ispaniju jana pierajazdžała ŭśled za mužam. Ale źbirajecca z kancami viartacca ŭ Biełaruś.
Volha Burłakova — viadučaja ranišnija efiraŭ na telekanale «RTR-Biełaruś» i aktrysa. Jana zdymałasia ŭ bolš jak 70 rasijskich filmach i sieryjałach (naprykład, u «Muchtary»).
U Ispaniju jana pierajechała niekalki hadoŭ tamu, kali vyjšła zamuž. Jaje muž Anton pracavaŭ tam.
U kulinarnaj pieradačy na STB viadučaja raskazała, što ciapier 70% hoda pravodzić u Biełarusi, a astatni čas u Ispanii. Ale płanuje z kancami viarnucca na radzimu razam z mužam.
«Heta luboŭ da telebačańnia, luboŭ da toj spravy, što ty robiš, i luboŭ da ludziej, ź jakimi ty pobač, ź jakimi ty pracuješ», — patłumačyła jana pryčyny.
Raniej u intervju viadučaja raskazvała, što ŭ Ispanii jaje šakavała vielizarnaja kolkaść bamžoŭ, jakija staviać svaje pałatki tam, dzie zachočuć.
«I nichto im nie zrobić zaŭvahi. Heta nienarmalna. Atrymlivajecca, što čałaviek, jaki nie płacić padatki i viadzie asacyjalny ład žyćcia, važniejšy, čym zakonapasłuchmiany hramadzianin, jaki prynosić karyść hramadstvu», — aburałasia Volha.
Nie padabałasia joj taksama prablema z dastupnaściu miedycyny.
«U Ispanii, dy i ŭ mnohich inšych krainach Jeŭrasajuza, navat pry najaŭnaści vielmi darahoj miedycynskaj strachoŭki pryjdziecca čakać ad niekalkich miesiacaŭ da dvuch hadoŭ, kab trapić na pryjom da vuzkaha śpiecyjalista».
Taksama viadučaja była šakavany praktykaj, kali chtości moža niezakonna zachapić tvaju kvateru i žyć tam — i ich nie tak prosta vysielić.
Viadučuju, darečy, zavuć nie Volha, a Alimpijada — nazvali tak u honar babuli.
«A paśla, kali mamina siastra skazała: «Nu niejak nie sučasna, ciapier voś usich nazyvajuć Volha», — zapisali Volhaj», — padzialiłasia jana.
Kaho hladzieli bolej i što ŭ kamientarach? Paraŭnali navahodnija zvaroty Cichanoŭskaj i Łukašenki26
Kamientary
a potom riešili pierienazvať na vołnie