Вядучая «РТР-Беларусь» расказала, што траціну года жыве ў Іспаніі
У Іспанію яна пераязджала ўслед за мужам. Але збіраецца з канцамі вяртацца ў Беларусь.
Вольга Бурлакова — вядучая ранішнія эфіраў на тэлеканале «РТР-Беларусь» і актрыса. Яна здымалася ў больш як 70 расійскіх фільмах і серыялах (напрыклад, у «Мухтары»).
У Іспанію яна пераехала некалькі гадоў таму, калі выйшла замуж. Яе муж Антон працаваў там.
У кулінарнай перадачы на СТБ вядучая расказала, што цяпер 70% года праводзіць у Беларусі, а астатні час у Іспаніі. Але плануе з канцамі вярнуцца на радзіму разам з мужам.
«Гэта любоў да тэлебачання, любоў да той справы, што ты робіш, і любоў да людзей, з якімі ты побач, з якімі ты працуеш», — патлумачыла яна прычыны.
Раней у інтэрв'ю вядучая расказвала, што ў Іспаніі яе шакавала велізарная колькасць бамжоў, якія ставяць свае палаткі там, дзе захочуць.
«І ніхто ім не зробіць заўвагі. Гэта ненармальна. Атрымліваецца, што чалавек, які не плаціць падаткі і вядзе асацыяльны лад жыцця, важнейшы, чым законапаслухмяны грамадзянін, які прыносіць карысць грамадству», — абуралася Вольга.
Не падабалася ёй таксама праблема з даступнасцю медыцыны.
«У Іспаніі, ды і ў многіх іншых краінах Еўрасаюза, нават пры наяўнасці вельмі дарагой медыцынскай страхоўкі прыйдзецца чакаць ад некалькіх месяцаў да двух гадоў, каб трапіць на прыём да вузкага спецыяліста».
Таксама вядучая была шакаваны практыкай, калі хтосьці можа незаконна захапіць тваю кватэру і жыць там — і іх не так проста выселіць.
Вядучую, дарэчы, завуць не Вольга, а Алімпіяда — назвалі так у гонар бабулі.
«А пасля, калі маміна сястра сказала: «Ну неяк не сучасна, цяпер вось усіх называюць Вольга», — запісалі Вольгай», — падзялілася яна.
Мінск сёння вечарам пагрузіўся ў цемру. Пасля загаду Лукашэнкі51
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
а потом решили переназвать на волне