Pieršaja rakietka śvietu na tenisnym turniry ŭ aŭstralijskim Brysbenie lohka pieramahła mieksikanku Renatu Sarasua — 6:4, 6:0, a potym viesieła adkazała na pytańnie reparciora pra mižsiezońnie i svoj adpačynak.
— U mianie było trochi volnaha času. Ja viarnułasia ŭ Fłarydu (Aryna žyvie tam) i spała ŭ svaim łožku. Ja sapraŭdy vielmi stamiłasia ad hatelaŭ kožny tydzień. Paśla takoha intensiŭnaha siezonu ja adčuvała, što mahu adpačyć jašče miesiac.
Maja kamanda telefanavała mnie, sprabujučy źviazacca, kab pierakanacca, što ja svoječasova pryjedu na samalot. U vyniku ja spaźniłasia na pieršy avijarejs. Dumała, što vylataju nočču, ale nasamreč heta było ranicaj. Padumała: «Dobra, mnie zdajecca, nam patrebny jašče adzin bilet». Heta było śmiešna. Dumaju: «Jak skažacie. Dadatkovy vychodny. Dziakuj», — skazała Sabalenka na korcie paśla matču.
Va Ukrainie zahinuła 24-hadovaja biełaruskaja dobraachvotnica Maryja Zajcava31
Kamientary