Fiederalnaja mytnaja słužba Rasii adkazała na pretenzii Biełarusi

Fiederalnaja mytnaja słužba (FMS) Rasii adkazała na pretenzii Dziaržaŭnaha mytnaha kamiteta (DMK) Biełarusi, što tyčacca pastavak i pierapracoŭki rasijskaj nafty i naftapraduktaŭ.

4 sakavika DMK abvinavaciŭ rasijski bok va ŭchileńni ad pieramoŭ pa pytańniach spraščeńnia pracedur pieramiaščeńnia biaspošlinnaj nafty i naftapraduktaŭ pa davalnickich schiemach.

Pres‑słužba DMK paviedamiła, što ŭ adpaviednaści ź biełaruska‑rasijskim mižuradavym pahadnieńniem kamitetam praviedzieny pieramovy z FMS RF i prapanavany «kankretnyja varyjanty spraščeńnia pracedur pieramiaščeńnia nafty i naftapraduktaŭ pa davalnickich schiemach». Adnak «Fiederalnaja mytnaja słužba Rasijskaj Fiederacyi, spasyłajučysia na adsutnaść pramych ukazańniaŭ i na toje, što adkaznymi za realizacyju pahadnieńnia pamiž uradami Rasijskaj Fiederacyi i Respubliki Biełaruś ab mierach pa ŭrehulavańni handlova‑ekanamičnaha supracoŭnictva ŭ halinie ekspartu nafty i naftapraduktaŭ vyznačany Minenierha i Minekanamraźvićcia, uchiliłasia ad praviadzieńnia pieramoŭ pa hetym pytańni».

Takuju situacyju adnosna pastavak biaspošlinnaj nafty ŭ biełaruskim mytnym viedamstvie rascanili jak nievykanańnie rasijskim bokam uziatych na siabie abaviazacielstvaŭ.

Kamientujučy paviedamleńnie DMK, u pres‑słužbie FMS RF zajavili, što

«zaraz rasijskim bokam pravodzicca aktyŭnaja prapracoŭka prapanoŭ biełaruskaha boku pa pracedury pierapracoŭki rasijskaj nafty na biełaruskich NPZ».

«FMS praciahvaje pracu pa centralizacyi mytnaha afarmleńnia i mytnaha kantrolu enierhanośbitaŭ u častcy abmiežavańnia miescaŭ dekłaravańnia nafty i naftapraduktaŭ, jakija vyvoziacca za miežy mytnaj terytoryi Rasijskaj Fiederacyi ŭsimi vidami transpartu, a taksama pa abmiežavańni kampietencyi mytnych orhanaŭ u dačynieńni da asobnych vidaŭ enierhanośbitaŭ i pieradačy paŭnamoctvaŭ pa ich mytnym afarmleńni i kantroli ŭ śpiecyjalizavany mytny orhan — Centralnuju enierhietyčnuju mytniu (CEM)», — paviedamili ŭ pres‑słužbie viedamstva.

Rasijskim bokam taksama padrychtavany prajekt zahada «Ab miescach dekłaravańnia asobnych vidaŭ tavaraŭ», jakim, u pryvatnaści, «praduhledžana abmiežavańnie miescaŭ dekłaravańnia syroj nafty, što vyvozicca z mytnaj terytoryi Rasii ŭ mytnym režymie pierapracoŭki pa‑za mytnaj terytoryjaj, a taksama praduktaŭ jaje pierapracoŭki, što ŭvoziacca ŭ Rasijskuju Fiederacyju, mytnymi pastami CEM».

• 0
• 0
• 0
• 0
• 0
• 0
• 0
• 0