Prezident Ukrainy Uładzimir Zialenski zajaviŭ, što praviadzieńnie vybaraŭ va Ukrainie stanie mahčymym tolki paśla zaviaršeńnia vajny abo paśla źmien u zakanadaŭstvie.
«Va Ukrainie ŭsie razumiejuć, što heta [vybary] niemahčyma zrabić, pakul nie skončycca vajna, ci treba mianiać zakanadaŭstva. Ja liču, što vybary adbuducca adrazu paśla zakančeńnia vajennaha stanovišča. Heta pa zakonie. Abo parłamientaryjam treba sabracca i mianiać zakanadaŭstva, što budzie zrabić vielmi ciažka, tamu što hramadstva suprać», —skazaŭ Zialenski ŭ intervju amierykanskamu padkastaru Leksu Frydmanu.
Pa słovach Zialenskaha, ukrainskaje hramadstva suprać praviadzieńnia vybaraŭ, pakolki nieabchodna stvaryć infrastrukturu dla hałasavańnia 8,5 młn ukraincaŭ, jakija vyjechali za miažu.
«Miljony ludziej na akupavanych terytoryjach. Ja nie kažu pra akupacyju 2014 hoda navat, a pra akupacyju jakaja voś zaraz była. Što rabić z tymi ludźmi? Heta składanaje pytańnie. I adno z samych niespraviadlivych vyhladaje, jak hałasavać bieź miljona vajskoŭcaŭ. To-bok, heta niemahčyma», — dadaŭ jon.
Kamientary
heta cełaja Biełaruś... https://nashaniva.com/358694