Anarchista Mikitu Jemialjanava, jaki bolš za piać hadoŭ znachodzicca ŭ źniavoleńni, znoŭ buduć sudzić
Mikita — aktyvist anarchisckaha ruchu, asudžany 12 lutaha 2020 hoda sudom Savieckaha rajona Minska da siami hadoŭ pazbaŭleńnia voli ŭ kałonii ŭzmocnienaha režymu.
Jaho pryznali vinavatym pa troch artykułach Kryminalnaha kodeksa. Ale Minharsud pa apielacyjnaj skarzie źmienšyŭ termin Mikitu da čatyroch hadoŭ kałonii ŭzmocnienaha režymu, piša «Viasna».
U traŭni 2021 hoda palitviaźniu ŭzmacnili pakarańnie i pieraviali na turemny režym u Mahiloŭ. Tam administracyja turmy inicyjavała zaviadzieńnie kryminalnaj spravy suprać palitviaźnia pavodle č. 2 art. 411 KK (złosnaje niepadparadkavańnie patrabavańniam administracyi kałonii). Pry hetym, u turmie jaho rehularna źmiaščali ŭ ŠIZA.
U sakaviku 2022 hoda na terytoryi Turmy № 4 Mikicie pryznačyli jašče dva hady pazbaŭleńnia voli. Chłopca adpravili adbyvać termin u vaŭkavyskuju kałoniju № 11, dzie jaho praciahnuli źmiaščać u ŠIZA. Praz hod, u sakaviku 2023 hoda, U sudzie Vaŭkavyskaha rajona sudździa Mikałaj Siarhiejka pryniaŭ rašeńnie ab pieravodzie Mikity na turemny režym. Palitviaźnia źmiaścili ŭ hrodzienskuju turmu № 1.
Mikita Jemialjanaŭ byŭ zatrymany jašče ŭ kastryčniku 2019 hoda. Pa viersii śledstva, u vieraśni taho hoda jon zakidaŭ budynak Minskaha haradskoha suda lampačkami z farbaj, a potym kinuŭ «kaktejl Mołatava» ŭ SIZA na Vaładarskaha.
Kamientary