U 2009 hodzie pasolstva Litvy ŭ Biełarusi 25% šenhienskich viz vydała biaspłatna
Bolš za 25% šenhienskich viz u 2009 hodzie vydadziena pasolstvam Litvy ŭ Biełarusi biaspłatna.
Pra heta paviedamiŭ pasoł Edminas Bahdonas 9 sakavika na pres‑kafierencyi ŭ Minsku.
Pavodle jaho słoŭ, biaspłatna vydajucca vizy studentam, artystam, navukoŭcam, spartsmienam. U cełym štodzień konsulskaja słužba litoŭskaha pasolstva vydaje kala 400 viz. «Razumiejučy ŭsiu składanaść atrymańnia šenhienskaj vizy, my imkniomsia zrabić tak, kab čałaviek moh atrymać šmatrazovuju vizu.
45% usich vydadzienych letaś viz byli šmatrazovyja na hod», — skazaŭ jon.
Dypłamat adznačyŭ, što praces atrymańnia vizy ŭ pasolstvie «zrabili jak maha bolš lohkim». Pavodle jaho słoŭ, na sajcie ŭ interniecie ciapier možna zapoŭnić ankietu na atrymańnie vizy i zapisacca ŭ čarhu na padaču dakumientaŭ.
«My zrabili ŭsio mahčymaje, kab biełaruskija hramadzianie, jakija atrymlivajuć u nas vizy, adčuvali siabie kamfortna», — padkreśliŭ Bahdonas.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary