Suvierenny fond Narviehii zarabiŭ 213 miljardaŭ jeŭra ŭ 2024 hodzie
Rekordnuju sumu narviežski fond zarabiŭ dziakujučy technałahičnamu bumu. U 2024 hodzie byli palepšany i biez taho topavyja pakazčyki papiaredniaha hoda, paviedamlaje Deutsche Welle.
![](http://nashaniva.com/img/w840d4webp1/photos/z_2025_01/norway_oil_ap250129-y3tcj.jpg.webp)
Narviežski suvierenny fond — najbujniejšy ŭ śviecie — u minułym hodzie zarabiŭ rekordnyja 213 młrd jeŭra. Heta stała mahčymym dziakujučy rostu technałahičnych akcyj.
Zhodna z danymi Norges Bank Investment Management (NBIM), jaki kiruje fondam, atrymany dachod 2,51 trłn narviežskich kron (213 młrd jeŭra) pieravysiŭ papiaredni rekord 2023 hoda (2,2 trłn kron).
«Asabliva dobra siabie pakazali amierykanskija technałahičnyja kampanii», — adznačyŭ kiraŭnik NBIM Nikałaj Tanhien.
Suvierenny fond Narviehii, zasnavany ŭ 1996 hodzie, papaŭniajecca za košt dachodaŭ krainy ad zdabyčy nafty i hazu. Zaraz jaho aktyvy aceńvajucca ŭ 1,8 trłn dalaraŭ, što robić jaho adnym z najbujniejšych inviestaraŭ u śviecie.
U siarednim fond vałodaje 1,5% usich akcyj, jakija handlujucca na suśvietnych biržach.
Akramia akcyj, jon taksama inviestuje ŭ ablihacyi, nieruchomaść i adnaŭlalnyja krynicy enierhii.
Kamientary
- Na sacyjalnyja patrebnaści. Vy ža chacicie charašo žyć? A vy žyviocie očeń charašo.