Рэкордную суму нарвежскі фонд зарабіў дзякуючы тэхналагічнаму буму. У 2024 годзе былі палепшаны і без таго топавыя паказчыкі папярэдняга года, паведамляе Deutsche Welle.
Нарвежскі суверэнны фонд — найбуйнейшы ў свеце — у мінулым годзе зарабіў рэкордныя 213 млрд еўра. Гэта стала магчымым дзякуючы росту тэхналагічных акцый.
Згодна з данымі Norges Bank Investment Management (NBIM), які кіруе фондам, атрыманы даход 2,51 трлн нарвежскіх крон (213 млрд еўра) перавысіў папярэдні рэкорд 2023 года (2,2 трлн крон).
«Асабліва добра сябе паказалі амерыканскія тэхналагічныя кампаніі», — адзначыў кіраўнік NBIM Нікалай Танген.
Суверэнны фонд Нарвегіі, заснаваны ў 1996 годзе, папаўняецца за кошт даходаў краіны ад здабычы нафты і газу. Зараз яго актывы ацэньваюцца ў 1,8 трлн даляраў, што робіць яго адным з найбуйнейшых інвестараў у свеце.
У сярэднім фонд валодае 1,5% усіх акцый, якія гандлююцца на сусветных біржах.
Акрамя акцый, ён таксама інвестуе ў аблігацыі, нерухомасць і аднаўляльныя крыніцы энергіі.
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі7
Каментары
- На сацыяльныя патрэбнасци. Вы жа хацице харашо жыць? А вы жывёце очэнь харашо.