Nie mienš za 40 čałaviek zahinuli ŭ ciskaninie na fiestyvali ŭ Indyi
Adzin sa śviedkaŭ Reuters paličyŭ 39 ciełaŭ unutry morha. Adna z troch krynic u palicyi i čaćviorty aficer paviedamili, što ŭsie 39 zahinułych stali achviarami ciskaniny.
![](http://nashaniva.com/img/w840d4webp1/photos/z_2025_01/india_ap250129-ol52p.jpg.webp)
«Pastupajuć novyja cieły. U nas tut amal 40 zahinułych. My taksama pieradajom ich siemjam adna za adnoj», — paviedamiŭ adzin z palicejskich.
Pobač z morham znachodzilisia 15 mašyn chutkaj dapamohi, a prykładna paŭdziasiatka čałaviek šukali svajakoŭ.
Staršy palicejski Vajbchav Kryšna admoviŭsia dać aficyjnyja ličby, zajaviŭšy, što palicyja zaniataja kiravańniem natoŭpam.
U rospačy svajaki čakali ŭ čarzie, kab apaznać zahinułych u ciskaninie, kali natoŭp kinuŭsia da miesca źlićcia troch rek, dzie abrad apuskańnia ŭ vadu ličycca asabliva śviatym.
Niekatoryja śviedki raspaviali pra mahutny šturšok, jaki prymusiŭ viernikaŭ padać adzin na adnaho, u toj čas jak inšyja adznačyli, što zakryćcio maršrutaŭ da vady pryviało da zatoru, u jakim ludzi pačali stračać prytomnaść praz zaduchu.
Kamientary