Адзін са сведкаў Reuters палічыў 39 целаў унутры морга. Адна з трох крыніц у паліцыі і чацвёрты афіцэр паведамілі, што ўсе 39 загінулых сталі ахвярамі цісканіны.
«Паступаюць новыя целы. У нас тут амаль 40 загінулых. Мы таксама перадаём іх сем’ям адна за адной», — паведаміў адзін з паліцэйскіх.
Побач з моргам знаходзіліся 15 машын хуткай дапамогі, а прыкладна паўдзясятка чалавек шукалі сваякоў.
Старшы паліцэйскі Вайбхав Крышна адмовіўся даць афіцыйныя лічбы, заявіўшы, што паліцыя занятая кіраваннем натоўпам.
У роспачы сваякі чакалі ў чарзе, каб апазнаць загінулых у цісканіне, калі натоўп кінуўся да месца зліцця трох рэк, дзе абрад апускання ў ваду лічыцца асабліва святым.
Некаторыя сведкі распавялі пра магутны штуршок, які прымусіў вернікаў падаць адзін на аднаго, у той час як іншыя адзначылі, што закрыццё маршрутаў да вады прывяло да затору, у якім людзі пачалі страчаць прытомнасць праз задуху.
Цяпер чытаюць
Максім Знак: Мы з Ціханоўскай зайшлі падаваць скаргу ў кабінет Ярмошынай — але Ярмошынай там не было25
Каментары