Uzrost kiroŭcaŭ niekatorych transpartnych srodkaŭ chočuć źmienšyć da 17 hadoŭ
U Biełarusi prapanavali źmienšyć uzrostavy paroh dla kiroŭcaŭ adnaho z transpartnych srodkaŭ z 18 da 17 hadoŭ, piša BiełTA.
![](http://nashaniva.com/img/w840d4webp1/photos/stock/harvester_belarus-bpb5g.jpg.webp)
Pa słovach člena pastajannaj kamisii pa pramysłovaści, enierhietycy, transparcie, suviazi i ličbavym raźvićci Pałaty pradstaŭnikoŭ Siarhieja Davydava, takaja prapanova źjaŭlajecca adnoj z navacyj zakonaprajekta ab darožnym ruchu.
Tak, prajekt zakona prapanuje źnizić z 18 da 17 hadoŭ ŭzrost asob, jakija zmohuć atrymlivać prava kiravańnia samachodnaj mašynaj sielskahaspadarčaha pryznačeńnia (katehoryja F). Taksama chočuć praduhledzieć pavieličeńnie maksimalna dapuščalnaj mahutnaści ruchavika dla kołavych traktaroŭ i samachodnych mašyn katehoryj Z, D, Je, F.
Kali zakon budzie pryniaty, to tady z 17 hadoŭ biełaruskija padletki zmohuć atrymlivać pravy na kiravańnie traktarami i kambajnami. A značyć — užo z druhoha kursa pryciahvacca dla pracy ŭ sielhasarhanizacyi. Za heta vystupaŭ i Minsielhascharč.
Akramia taho, Siarhiej Davydaŭ źviarnuŭ uvahu, što dla apieratyŭnaj realizacyi prapanavanych navacyj u zakonaprajekt jašče ŭnieśli źmieny, kab skaracić termin ustupleńnia ŭ siłu zakona ab darožnym ruchu — z šaści da dvuch miesiacaŭ.
Kamientary
za rul !!!