Узрост кіроўцаў некаторых транспартных сродкаў хочуць зменшыць да 17 гадоў
У Беларусі прапанавалі зменшыць узроставы парог для кіроўцаў аднаго з транспартных сродкаў з 18 да 17 гадоў, піша БелТА.
Па словах члена пастаяннай камісіі па прамысловасці, энергетыцы, транспарце, сувязі і лічбавым развіцці Палаты прадстаўнікоў Сяргея Давыдава, такая прапанова з'яўляецца адной з навацый законапраекта аб дарожным руху.
Так, праект закона прапануе знізіць з 18 да 17 гадоў ўзрост асоб, якія змогуць атрымліваць права кіравання самаходнай машынай сельскагаспадарчага прызначэння (катэгорыя F). Таксама хочуць прадугледзець павелічэнне максімальна дапушчальнай магутнасці рухавіка для колавых трактароў і самаходных машын катэгорый З, D, Е, F.
Калі закон будзе прыняты, то тады з 17 гадоў беларускія падлеткі змогуць атрымліваць правы на кіраванне трактарамі і камбайнамі. А значыць — ужо з другога курса прыцягвацца для працы ў сельгасарганізацыі. За гэта выступаў і Мінсельгасхарч.
Акрамя таго, Сяргей Давыдаў звярнуў увагу, што для аператыўнай рэалізацыі прапанаваных навацый у законапраект яшчэ ўнеслі змены, каб скараціць тэрмін уступлення ў сілу закона аб дарожным руху — з шасці да двух месяцаў.
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?20
Каментары
за руль !!!