Ježa55

Miasajedy majuć bolš šancaŭ znajści sabie paru — daśledavańnie

Novaje daśledavańnie vyjaviła: kali ŭkazać u profili, što ty viehietaryjaniec, šancy na pośpiech padajuć. Čamu tak?

Raniejšyja daśledavańni ŭžo razhladali ŭpłyŭ roznych faktaraŭ na vybar partniora. Adnak dahetul amal nie vyvučałasia, ci ŭpłyvaje racyjon charčavańnia na heta. Adkaz, jak piša Daily Mail, pasprabavali adšukać navukoŭcy z Varšaŭskaha ŭniviersiteta.

Dla svajho daśledavańnia kamanda nabrała 404 udzielniki va ŭzroście ad 18 da 82 hadoŭ. Im prapanavali ŭjavić siabie karystalnikami dadatku dla znajomstvaŭ i acanić profili patencyjnych partnioraŭ. Profili byli čatyroch typaŭ. Try ź ich pradstaŭlali roznyja typy viehietaryjancaŭ: z etyčnych pryčyn, z ekałahičnych mierkavańniaŭ i dziela zdaroŭja. U čaćviortym nie było nijakaj zhadki pra charčavańnie.

Paśla prahladu kožnaha profilu ŭdzielnikaŭ pytalisia pra ich ahulnaje staŭleńnie da čałavieka, pra toje, nakolki jany hatovy byli b sustrakacca ź im i nakolki mužnym abo žanockim jany jaho ličać.

Vyniki, apublikavanyja ŭ časopisie Social Psychological Bulletin, pakazali, što viehietaryjancy ličacca mienš pryvabnymi ŭ jakaści patencyjnych partnioraŭ dla spatkańniaŭ.

«Ludzi z hrupy, jakaja nie mieła infarmacyi ab dyjecie, u cełym usprymalisia ŭ paraŭnańni ź viehietaryjancami bolš pazityŭna, jak bolš mužnyja (adnosna mužčyn) i bolš žanockija (adnosna žančyn), i, takim čynam, bolš pryvabnyja dla ŭstupleńnia ŭ adnosiny», — pišuć daśledčyki.

Analizujučy vyniki bolš padrabiazna, vučonyja vyjavili klučavyja adroźnieńni va ŭsprymańni viehietaryjanstva pa roznych pryčynach. Najmienš pryvabnymi akazalisia tyja, chto staŭ viehietaryjancam vyklučna praz zdaroŭje.

Choć udzielnikaŭ nie pytalisia ab ich matyvach, daśledčyki miarkujuć, što ŭsio zvodzicca da žadańnia sustrakacca z adnadumcami.

«Pakolki ŭ daśledavańni prymali ŭdzieł tolki miasajedy, adnym z tłumačeńniaŭ atrymanych vynikaŭ źjaŭlajecca toje, što ludzi chočuć ustupać u adnosiny z tymi, chto prytrymlivajecca padobnaha ź imi racyjonu charčavańnia», —

pišuć aŭtary i dadajuć, što heta adpaviadaje papiarednim daśledavańniam, jakija pakazali, što viehietaryjancy addajuć pieravahu ŭstupać u ramantyčnyja adnosiny ź inšymi viehietaryjancami.

Takim čynam, kali tvaja meta — maksimalna šyroki vybar partnioraŭ, lepš nie zhadvać svaje pieravahi ŭ charčavańni ŭ profili. Ź inšaha boku, zhadka pra heta moža dapamahčy adrazu adsiejać nie tych ludziej.

Navukoŭcy spadziajucca, što ich daśledavańnie stanie šturškom dla dalejšaha vyvučeńnia ŭsprymańnia viehietaryjancaŭ.

«Daśledavańni stereatypaŭ ab viehietaryjanstvie i jaho suviazi z maskulinnaściu mohuć dapamahčy lepš zrazumieć, čamu mužčyny mienš schilnyja stanavicca viehietaryjancami», — padsumoŭvajuć aŭtary.

Kamientary5

  • Jaruś
    30.01.2025
    viehietaryjancy jeść roznyja, chtości jeść małočnaje, chto tolki syroje, chtości tolki frukty-harodninu. Ludzi ekśpierymientujuć, aranizm pierastojvajecca i tamu čałaviek moža vyhladać nie nadta. Da 30 let možna žerci i pić usie padrad i budzieš vyhladać dobra. Pary stvarajuć u asnoŭnym u hetym uzroście kali jašče ab zdaroŭi asabliva nie zadumvajucca. Tamu niejkaje adkłanieńnie ad "normy" (čałaviek nie ṕje ałkahol, nie ṕje kavu, nie jeść miasa) usprymajecca jak nienarmalnaść. Ale na doŭhaj dystancyi viehany vyjhrajuć, jany u 50-60 buduć značna maładziejšym i zdaraviejšym.
    • Žvir
      30.01.2025
      Jaruś, naadvarot, abmiežavańni racyjonu ŭ maładości vylazuć praz baki ŭ stałym uzroście, prablemami ŭ zdaroŭi. Zdaroŭje patrabuje svroječasovaści j balansu. Abmiežavańniaŭ patrabujuć chvaroby.
      • Učitiel movy
        31.01.2025
        [Red. vydalena]
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Špakoŭski daŭ zrazumieć, što znakavych palitviaźniaŭ mohuć vyzvalić pry ŭmovie vyjezdu za miažu2

Špakoŭski daŭ zrazumieć, što znakavych palitviaźniaŭ mohuć vyzvalić pry ŭmovie vyjezdu za miažu

Usie naviny →
Usie naviny

U Biełarusi pradajuć Peugeot 407 z unikalnaj afarboŭkaj i kaśmičnaj canoj2

Zialenski: My ŭ samy składany momant nie pryniali ultymatumu. Nie prymiem i ciapier46

«Cieśla». Čamu hety śpiektakl varta pahladzieć1

Što budzie ŭ vypadku, kali ZŠA prypynić sankcyi na biełaruski kalij i banki16

Mikrapazyki ciapier buduć vydavacca na inšych umovach

Zialenski pieranios pryznačany na zaŭtra svoj vizit u Saudaŭskuju Araviju7

Łaŭroŭ zajaviŭ, što nie bačyŭ trochetapnaha mirnaha płanu pa Ukrainie5

Pamiatajecie supołku «My za vialikuju Biełaruś» pačatku 2010-ch? Jaje administratara Paŭlukieviča sudziać za pratesty

U Litvie stali zmahacca z paliŭnym biznesam kiroŭcaŭ hruzavikoŭ ź Biełarusi

bolš čytanych navin
bolš łajkanych navin

Špakoŭski daŭ zrazumieć, što znakavych palitviaźniaŭ mohuć vyzvalić pry ŭmovie vyjezdu za miažu2

Špakoŭski daŭ zrazumieć, što znakavych palitviaźniaŭ mohuć vyzvalić pry ŭmovie vyjezdu za miažu

Hałoŭnaje
Usie naviny →

Zaŭvaha:

 

 

 

 

Zakryć Paviedamić