U Administracyi prezidenta Biełarusi abviarhajuć infarmacyju pra toje, što Alaksandr Łukašenka znachodzicca ź vizitam u Vieniesuele.
«Heta nie adpaviadaje rečaisnaści. Prezident znachodzicca ŭ Minsku», — zajaviŭ kiraŭnik pres‑słužby kiraŭnika dziaržavy Pavieł Lohki.
Infarmacyju pra vizit Łukašenki ŭ Vieniesuełu raspaŭsiudziła 11 sakavika Ahienctva finansavych navin.
«Łukašenka, jak i mierkavałasia, adpraviŭsia za akijan u sieradu razam z aficyjnaj uradavaj delehacyjaj Biełarusi, jakuju ŭznačaliŭ pieršy vice‑premjer U. Siamaška. Hetuju infarmacyju paćvierdzili adrazu niekalki vysokapastaŭlenych čynoŭnikaŭ Biełarusi», — paviedamlaje AFN/
Mahčyma, nahodaj dla źjaŭleńnia takoj infarmacyi stała niadaŭniaje zajavu prezidenta Vieniesueły Uha Čaviesa.
«My rychtujemsia pryniać prezidenta Biełarusi Alaksandra Łukašenki ŭ bližejšyja dni», — zajaviŭ Čavies 6 sakavika padčas ministerskaj sustrečy, jakuju tranślavaŭ dziaržaŭny telekanał Vieniesueły VTV.
11‑12 sakavika ŭ Vieniesuele znachodzicca ŭradavaja delehacyja Biełarusi na čale ź pieršym vice‑premjeram Uładzimiram Siamaškam. Pavodle aficyjnaj infarmacyi, metaj vizitu źjaŭlajecca analiz vykanańnia raniej zaklučanych pahadnieńniaŭ.
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier1
Kamientary