У Адміністрацыі прэзідэнта Беларусі абвяргаюць інфармацыю пра тое, што Аляксандр Лукашэнка знаходзіцца з візітам у Венесуэле.
«Гэта не адпавядае рэчаіснасці. Прэзідэнт знаходзіцца ў Мінску», — заявіў кіраўнік прэс‑службы кіраўніка дзяржавы Павел Лёгкі.
Інфармацыю пра візіт Лукашэнкі ў Венесуэлу распаўсюдзіла 11 сакавіка Агенцтва фінансавых навін.
«Лукашэнка, як і меркавалася, адправіўся за акіян у сераду разам з афіцыйнай урадавай дэлегацыяй Беларусі, якую ўзначаліў першы віцэ‑прэм’ер У. Сямашка. Гэтую інфармацыю пацвердзілі адразу некалькі высокапастаўленых чыноўнікаў Беларусі», — паведамляе АФН/
Магчыма, нагодай для з’яўлення такой інфармацыі стала нядаўняе заяву прэзідэнта Венесуэлы Уга Чавеса.
«Мы рыхтуемся прыняць прэзідэнта Беларусі Аляксандра Лукашэнкі ў бліжэйшыя дні», — заявіў Чавес 6 сакавіка падчас міністэрскай сустрэчы, якую трансляваў дзяржаўны тэлеканал Венесуэлы VTV.
11‑12 сакавіка ў Венесуэле знаходзіцца ўрадавая дэлегацыя Беларусі на чале з першым віцэ‑прэм’ерам Уладзімірам Сямашкам. Паводле афіцыйнай інфармацыі, мэтай візіту з’яўляецца аналіз выканання раней заключаных пагадненняў.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары