31 studzienia pamior žurnalist Alaksandr Šaŭko, u sakaviku jamu b spoŭniłasia 70 hadoŭ, paviedamlaje «Sielskaja hazieta».
U pačatku 1990-ch Alaksandr Šaŭko byŭ adnym z aŭtaraŭ papularnaj na Biełaruskim radyjo prahramy «Radyjofakt», kali ŭźnikła ideja adyści ad kłasičnych 15-chvilinnych navin i stvaryć hadzinnuju infarmacyjnuju prahramu, jakuju buduć vieści sami žurnalisty. Prahrama vychodziła a 7-j ranicy.
Jon byŭ pieršym, chto vyjšaŭ u efir i adpracavaŭ u radyjopieradačy bolš za 12 hadoŭ. Potym pracavaŭ u «Sielskaj haziecie», vyjšaŭšy na piensiju ŭ 2018 hodzie.
«Alaksandr vielmi lubiŭ rodnaje Paleśsie i svoj horad Jelsk, dzie skončyŭ škołu i atrymaŭ pucioŭku ŭ žyćcio. Pra Jelsk jon moh havaryć biaskonca, znachodziačy nahodu ŭspomnić cikavuju historyju pry luboj sustrečy», — pišuć pra jaho kalehi.
Kamientary