«Jany stanuć la nahi haspadara i buduć piaščotna pamachvać chvościkam». Pucin — pra adnosiny Jeŭropy i Trampa
Prapahandyst Pavieł Zarubin apublikavaŭ uryvak intervju z prezidentam RF Uładzimiram Pucinym. U im rasijski kiraŭnik źniavažliva prajšoŭsia pa jeŭrapiejskich elitach.
Pavodle Pucina, Bajden bolš padabaŭsia jeŭrapiejskim elitam, čym Tramp: pry Bajdenie Jeŭropa nibyta «z zadavalnieńniem vykonvała luby zahad z boku Vašynhtona». Z Trampam ža jeŭrapiejcy «aktyŭna zmahalisia» i «razhubilisia», kali jon znoŭ staŭ prezidentam.
«Ja vas zapeŭnivaju: Tramp ź jaho charaktaram, ź jaho nastojlivaściu, naviadzie tam paradak davoli chutka. I ŭsie jany <…> stanuć la nahi haspadara i buduć piaščotna pamachvać chvościkam», — skazaŭ Pucin.
Taksama Pucin źniavažliva acaniŭ jakaść jeŭrapiejskich elit. Pavodle jaho słoŭ, heta «palityčnaja drabiaza», jakaja sprabuje zabaraniać alternatyŭnyja mejnstrymu partyi.
Kamientary