Siłaviki za hod nakryli 268 pjanych viečarynak z udziełam niepaŭnaletnich
U MUS raskazali, jakija złačynstvy čaściej za ŭsio ździajśniajucca z udziełam dziaciej i padletkaŭ.
Za 2024 hod siłaviki zarehistravali 1,4 tysiačy złačynstvaŭ z udziełam niepaŭnaletnich.
Pieravažajuć kradziažy, niezakonny abarot płaciežnych srodkaŭ, machlarstva, a taksama narkazłačynstvy. Akramia taho, siłavikami vyjaŭlena i spyniena 268 pjanych viečarynak, na jakich prysutničali bolš za 800 dziaciej, paviedamili ŭ pres-słužbie MUS.
U MUS nahadali, što ŭžyvańnie ałkaholu, cyharet, vejpaŭ, narkotykaŭ časta pryvodzić da niepryjemnych, a časam i trahičnych nastupstvaŭ.
«Niebiaśpieki padścierahajuć i ŭ internecie. Skarystoŭvajučy mahčymaści sietki i adpracavanyja schiemy padmanu, złačyncy ŭciahvajuć padletkaŭ u złačynnuju dziejnaść.
U suviazi z hetym asablivaja ŭvaha nadajecca prafiłaktyčnaj rabocie, nakiravanaj na niedapuščeńnie ŭciahnieńnia dziaciej u raspaŭsiudžvańnie narkotykaŭ, vyrab parnahrafii, pierasyłku intymnych vyjavaŭ i mnohaje inšaje», — adznačyli ŭ pres-słužbie.
Čaściej za ŭsio pryčynami zdareńniaŭ z udziełam niepaŭnaletnich stanoviacca ich nieaściarožnyja pavodziny, niedastatkovy kantrol z boku darosłych i niezaniataść padletkaŭ u volny ad vučoby čas.
Siłaviki źviartajuć uvahu, što baćkam varta rehularna nahadvać dzieciam pra praviły biaśpiečnych pavodzin, u tym liku ŭ internecie, cikavicca ich kołam znosin, padtrymlivać davierlivyja adnosiny.
Kamientary