Hety studzień byŭ samym ciopłym za ŭsiu historyju mieteanazirańniaŭ
Siaredniesutačnaja tempieratura była blizkaja da sakavickaj.
«Studzień ličycca samym chałodnym miesiacam hoda. Ale ŭ 2025 hodzie siaredniaja miesiačnaja tempieratura studzienia była blizkaja da sakavickaj i skłała +1,2°S, što vyšej za klimatyčnuju normu na 5,3°S. Taki ciopły studzień adznačajecca ŭpieršyniu za ŭsiu historyju mieteanazirańniaŭ», — paviedamiŭ Biełhidramiet.
Da hetaha tempieraturny rekord naležaŭ studzieniu 2020 hoda, kali siaredniaja tempieratura pavietra pa krainie skłała +1,1°S.
Stanoŭčaja anamalija tempieratury pavietra raspaŭsiudziłasia pa ŭsioj terytoryi Biełarusi i znachodziłasia ŭ miežach ad 4,5 da 6,1°S. Usie try dekady miesiaca byli ciopłymi.
Samaja ciopłaja — treciaja dekada, siaredniaja tempieratura jakoj pieravyšała normu na 8°S.
Tempieratury pieršaj i druhoj dekad byli vyšej za normu na 4,4 i 3,4°S adpaviedna.
Za miesiac u siarednim pa krainie vypała 31 mm apadkaŭ, što skłała 75% klimatyčnaj normy. Usia terytoryja krainy, za vyklučeńniem paŭnočnych rajonaŭ, adčuvała niedachop vilhaci
U kancy pieršaj dekady studzienia na rekach źjaŭlalisia ledzianyja ŭtvareńni ŭ vyhladzie zabiarežža i šuhachodu, miescami byŭ lod, ale potym taksama razburyŭsia. Da kanca miesiaca tempieratura vady pavysiłasia da 6ºS, što nie charakterna dla studzienia.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary