U Biełarusi možna ŭziać u arendu samuju sapraŭdnuju partyzanskuju ziamlanku. Cana pytańnia?
U Nalibockaj puščy adkryli pieršuju interaktyŭnuju partyzanskuju stajanku, dzie možna nie tolki aznajomicca z historyjaj partyzanskaha ruchu ŭ puščy, ale i adčuć siabie sapraŭdnym partyzanam, pieranačavaŭšy ŭ ziamlankach.
Arenda turystyčnaha kompleksu «Partyzanski ruch Nalibockaj puščy». Košt — 1000 rubloŭ za sutki, paviedamlaje Minlashas u svaim telehram-kanale.
Za hetyja hrošy haściam prapanujuć arandavać uvieś kompleks, u jaki ŭvachodziać: niekalki ziamlanak, partyzanskaja stałoŭka, vialikaja placoŭka dla praviadzieńnia kulturna-masavych mierapryjemstvaŭ (z scenaj i «hladzielnaj załaj» z vohniščam dla abahravańnia).
«Turystyčny kompleks vydatna padychodzić dla praviadzieńnia bujnych kulturna-masavych mierapryjemstvaŭ. Anturaž dazvalaje całkam akunucca ŭ vajennuju tematyku», — raspavioŭ načalnik adździeła palaŭničaj haspadarki Minlashasa Alaksandr Kazarez.
Kamientary