Atmaśfierny internat u Minsku, dzie žyli alimpijcy Janina Karolčyk, Anton Kušnir i Darja Domračava, źbirajucca źnieści
U hłybini vulicy Akademičnaj, jakaja pačynajecca adrazu za Nacyjanalnaj akademijaj navuk, schavanyja try atmaśfiernyja dvuchpaviarchoŭki. U dvuch ź ich žyvuć ludzi, a treciaja da niadaŭniaha času była internatam. Akazvajecca, hety budynak pryhavaryli da znosu, piša Realt.
Try atmaśfiernyja dvuchpaviarchoviki schavanyja za šumnym praśpiektam Niezaležnaści i Akademijaj navuk. Cahlanyja damy dla žycharoŭ źjavilisia tut adrazu paśla vajny. Kvatery ŭ ich vydavali rabotnikam Akademii navuk, a paźniej adzin z budynkaŭ staŭ internatam BFST «Dynama». Mienavita hety dom pa Akademičnaj, 11B i žadajuć źnieści.
Staražyły rajona ŭzhadvajuć, što ŭ internacie na Akademičnaj u svoj čas žyli alimpijcy Janina Karolčyk, Anton Kušnir i Darja Domračava. Kala piaci hadoŭ tamu internat zakryŭsia, a jaho pamiaškańni zaniali ofisy.
Naohuł, ab znosie hetych dvuchpaviarchovych damoŭ u centry horada havaryli nie adzin raz. Apošni kapramont damoŭ prajšoŭ u 80-ja hady. I voś stała viadoma, što Biełaruskaje fizkulturna-spartyŭnaje tavarystva «Dynama» vyrašyła ŭźvieści na miescy pustujučaha internata novy budynak.
Administracyja Pieršamajskaha rajona Minska abjaviła, što hramadskaje abmierkavańnie prajekta projdzie z 24 lutaha pa 10 sakavika. Prezientacyju abjekta možna budzie pahladzieć na sajcie, a taksama ŭ drukavanaj formie ŭ viestybiuli administracyi Pieršamajskaha rajona.
Z karotkaha apaviaščeńnia možna zrazumieć, što na miescy cahlanaha internata 1954 hoda pabudovy płanujecca ŭźvieści novy budynak, a taksama pravieści dobraŭparadkavańnie prylehłaj terytoryi i vykanać mierapryjemstvy pa stvareńni dastupnaha asiarodździa dla fizična asłablenych asob. Inšych padrabiaznaściaŭ prajekta pakul niama.
-
U Minsku pradajuć zvyčajny zvonku dom, ale z bahatym načyńniem: pazałotaj, lapninaj i karcinami na ścienach
-
«Zastałosia ŭsiaho 6 kvater u horadzie». Na vychodnyja 9 maja razabrali arendnyja kvatery ŭ Hrodnie, Breście i Minsku. Ceny ŭražvajuć
-
U Minsku pradajuć niestandartnuju 3-uzroŭnievuju kvateru. Cana moža pryjemna ździvić
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu99
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu9
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary