Maładaja maci z Mahilova pakazała, jak biaspłatna vynosić darahuju kaśmietyku z kram

Da naradžeńnia dziciaci Hanna Błažejeva pracavała doktarkaj-dermatavienierołaham. Ale pajšła ź miedycyny ŭ błohierstva.

Pierad pachodam u kramu parfumieryi i kaśmietyki Hanna zahadzia nabyła nabor nievialikich płastykavych słoičkaŭ. I ŭ kramie pačała pieralivać sabie z testara tanalny krem ad Vivienne Sabo.

— Ja biaru na adzin razik, ja nie nachabnaja, jak inšyja, jakija pa litry nalivajuć, — kaža błohierka z Mahilova.

Potym Hanna źviarnuła ŭvahu na syvaratku ad Clarins, jakaja kaštuje bolš za 500 rubloŭ.

— Oho! Ja nikoli takoha darahoha na siabie nie mazała. Voś u mianie pryhožy śpiecyjalny słoičak dla syvaratak. Moža, jašče niešta bolš darahoje ŭziać?

Watch on TikTok

Jana adnačasova zaŭvažyła, što kansultantka pobač napružyłasia.

U nabory Hanny znajšoŭsia navat admysłovy słoik dla tušy. Žančyna spačatku nie vielmi razumieła, jak tudy pakłaści tuš z testaru, ale ŭsio ž zmahła ŭziać kryšačku. Nie zabyłasia błohierka adlić i blask dla vusnaŭ.

— Ja ŭžo dastatkova styryła, ale ŭsio-taki padydziem da duchoŭ.

Tyktokierka napšykała sabie nievialiki zapas, i vybačyłasia pierad «Kravtam» — skazała, što kali-niebudź abaviazkova kupić. U hety momant nie vytrymali niervy ŭ kansultantki. Jana źviarnułasia da naviedvalnicy:

— Moža, užo chopić?!

Paśla hetaha Hanna syšła z kramy, nie zabyŭšysia pachvalicca na kamieru zdabytym i svajoj ścipłaściu.

Za čatyry dni videa nabrała 1,5 miljona prahladaŭ i bolš za 100 tysiač łajkaŭ. A ŭ kamientaryjach, na dziva, šmat chto padtrymaŭ Hannu. Niechta navat aburyŭsia pavodzinami kansultantki, bo paličyŭ, što žančyna ŭziała roŭna stolki ž, kolki b naniesła b na siabie ŭ kramie, kali b teściła kaśmietyku na miescy.

«U jakim sensie «chopić»? Testary dla taho i patrebnyja kab teściravać», — hety kamientaryj sabraŭ bolš za 3 tysiačy łajkaŭ.

U chutkim časie Hanna zapisała videa, u jakim jana farbujecca vyniesienaj z «Kravtu» kaśmietykaj, supravadžajučy podpisam, što kolki kaštuje.

Watch on TikTok

— Adkažu na samaje raspaŭsiudžanaje pytańnie — «A što, tak možna było?». Tak, siabry maje, ale abaviazkova treba spytać. Mnie zaprasili navat administratara i ja atrymała dazvoł.

Sam łajfchak nie novy. Hetuju paradu abmiarkoŭvali na roznych forumach jašče ŭ 2010 hodzie. Tady niekatoryja žančyny pisali, što kansultantki navat sami adlivajuć krychu, kali ich ab hetym paprasić.

• 1
• 5
• 2
• 36
• 1
• 1
• 1
• 0