U minskaj kramie pradajuć pasyłki, jakija zhubilisia ŭ pracesie dastaŭki. Błohiercy papaŭsia vibratar
Aŭtamaty, jakija handlujuć niedastaŭlenymi pasyłkami z AliExpress, u Jeŭropie karystajucca popytam. Ciapier nabyć čužuju zamovu možna i ŭ adnoj z kram u Minsku.
Handluje takimi niezvyčajnymi tavarami z Kitaja krama «Na-skidkie.bieł», jakaja znachodzicca ŭ Minsku ŭ Sierabrancy. Ahlad hetaha miesca vyrašyŭ zapisać tyktok-błohier, jaki viadzie akaŭnt pad nikam Zatestil. Jon nabyŭ try pasyłki roznaha pamieru i zapłaciŭ za ŭsio 30 rubloŭ (bo košt na bolšaść pasyłak standartny: 10 rubloŭ za štuku).
V Minskie jesť miesto, hdie možno kupiť potieriannyje posyłki iz Kitaja! Takuju nieobyčnuju svojeho roda łotierieju možno najti v odnom iz mahazinov Minska. Zdieś priedłahajut kupiť posyłki s AliExpress, kotoryje po kakim-to pričinam nie došli do połučatiela. Miechanika prostaja: Vybirajetie posyłku kotoraja prihlanułaś, ich možno trohať i ŝupať rukami. Opłačivajetie i vskryvajetie Stoimosť odnoj 10 BYN, a popasťsia možiet to, čto stoit značitielno dorožie. Vot takoje intieriesnoje svojeho roda razvlečienije jesť v mahazinie po adriesu uł.Malinina 35A
Błohier adznačaje, što vybirać jość z čaho, ale i popyt na zhublenyja pasyłki vialiki. Pahladzieć, što kankretna znachodzicca ŭnutry, nielha, ale dazvalajuć pierad apłataj pramacać pakunak.
— I voś što mnie trapiłasia. U pieršym pakunku byŭ trymalnik dla telefona na rovar, niachlipki i pryjemny navobmacak. Na AliExpress ja znajšoŭ taki samy ažno za 40 rubloŭ.
U druhoj pasyłcy byŭ trochmietrovy kabiel dla padklučeńnia kampjutara da televizara. Bolš za ŭsio błohiera ździviŭ jahony košt na markietpłejsie — amal 80 rubloŭ.
A ŭ samym vialikim pakunku lažaŭ kavałak tkaniny typu spanbond.
— Jak pa mnie, nie samaja ŭdałaja pakupka. Ale moža ŭ haspadarcy spatrebicca.
Hetu ž pasłuhu prateściravała kamanda Slivki.by. Ich błohierka raspaviała, što jość i niejkija ekskluziŭnyja varyjanty, jakija kaštujuć značna bolš za 10 rubloŭ — i pakazała skrynku, jakuju acanili ŭ 300 rubloŭ. Ale zahadzia vyśvietlić, što ŭ joj, taksama nielha. Skrynku navat i pramacać niemahčyma.
Dziaŭčyna nabyła šeść pakunkaŭ pa 10 rubloŭ za kožny. Joj trapilisia značna bolš ekzatyčnyja varyjanty. Naprykład, kij dla hulni ŭ biljard, kalimba (muzyčny instrumient) i vialiki ružovy vibratar. Za pracesam raspakoŭki zdaloku ŭvažliva naziraŭ partret Alaksandra Łukašenki.
Hety rolik u instahramie nabraŭ bolš za 400 tysiač prahladaŭ. U kamientaryjach cikavicca, ci nie bačyła błohierka ich zhublenuju pasyłku. A niekatorym vielmi spadabałasia ideja kramy, bo atrymałasia biasprojhryšnaja łatareja.
Pamior dzied Koli Łukašenki — były viazień HUŁAHa, asudžany za dapamohu «banderaŭcam»8
Kamientary