Hramadstva1212

U Hrodnie čynoŭniki i biudžetniki pravodziać fłešmob: družna płačuć, što ŭ ich zabrali Karanika

«Skažy dziakuj hubiernataru!» — pasty pad takim zahałoŭkam źjavilisia ŭ sacsietkach Hrodzienskaha abłvykankama «Puł 4 Rehijon». A ŭ storyz — pasty i ryłz ad niaprostych hrodziencaŭ i žycharoŭ vobłaści, jakija dziakujuć Uładzimiru Karaniku, škadujuć, što jon pajšoŭ z pasady «hubiernatara» na vice-premjerstva ŭ Minsk, i navat płačuć na kamieru, piša Hrodna.life.

Uładzimir Karanik

«Dziakujem za ŭsio» i «Heta byŭ kruty čas Hrodzienskaj vobłaści» napisała 18-hadovaja Maryja Maciuk, staršynia Respublikanskaj rady navučencaŭ kaledžaŭ i Hrodzienskaj abłasnoj rady navučencaŭ kaledžaŭ. Dasłoŭna toje samaje napisała i jaje maci, Alena Maciuk — majstrycha vytvorčaha navučańnia Hrodzienskaha prafiesijna-techničnaha kaledža pobytavaha absłuhoŭvańnia, kiraŭnica pieršasnaj arhanizacyi HA «Biełaruski sajuz žančyn» i aktyŭnaja ŭdzielnica haradskich mierapryjemstvaŭ.

«Najlepšy hubiernatar Hrodzienskaj vobłaści», — napisała estradnaja vykanaŭca Alina Čyžyk, artystka hoda Hrodzienščyny-2022, uładalnica vakalnaj škoły. U nastupnym videa jana navat raspłakałasia:

«Mnie budzie vielmi sumna ŭśviedamlać, što jon bolš nie hubiernatar našaj vobłaści. Ja nie viedaju, čaho ja płaču, ale apošnija piać hadoŭ — heta byŭ taki ŭźlot u majoj karjery, u momant, kali Uładzimir Ściapanavič uznačalvaŭ našu vobłaść. Dziakujučy jamu ja stała i Čałaviekam hoda Hrodzienščyny, pabyvała i ŭ Kitai, i ŭ Indyi».

Dalej jana apublikavała jašče siem ryłz, pryśviečanych Karaniku.

Z novaj pasadaj Karanika pavinšavali rektar Hrodzienskaha miedycynskaha ŭniviersiteta i člen Savieta Respubliki Ihar Žuk, namieśnik zahadčyka adździeła prajektnaj dziejnaści Hrodzienskaha AK HA «BRSM» Piotr Kasicki, pieršaja sakratarka Astravieckaha rajonnaha kamiteta HA «BRSM» Volha Maksimava, namieśnica staršyni kamisii pa sacyjalnaj palitycy i achovie zdaroŭja Maładziožnaha parłamienta pry Nacyjanalnym schodzie Darja Ramanina, student-žurnalist i supracoŭnik kanała «Hrodna Plus» Jahor Skiepka, dyrektar Valeŭskaj siaredniaj škoły Andrej Padlipski.

Vinšavańni i padziaki apublikavali akaŭnty Rady pracoŭnaj moładzi Lidskaha rajona, Hrodzienskaha muzyčnaha kaledža, Hrodnaabłkinavideaprakata, baskietbolnaha kłuba «Pryniomańnie».

«Takaja ŭvaha vielmi pryjemnaja! Paviercie, Uładzimir Ściapanavič usio bačyć, usio čytaje!», — napisali ŭ kanale «Puł 4 Riehion».

Kamientary12

  • Indakitaj
    04.03.2025
    Chaciełasia b pačuć hetych, kali Karanik budzie siadzieć na łavie padsudnych razam ź inšymi funkcyjanierami režyma. "Mnie budzie vielmi sumna ŭśviedamlać, što jon byŭ hubiernataram našaj vobłaści."
  • Hańba
    04.03.2025
    Nie pa čynie. Heta ž niejkaje "Mini-Nado!". Kałhasnaja dyktatura nie prabačaje tych, chto nadta vypiačvajecca.
  • Mch
    04.03.2025
    "Bratva imkniecca da ŭłady".
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Stajać na adnoj nazie z knihaj na hałavie ŭ pamiać pra błakadu Leninhrada. Čynoŭniki zapuścili vielmi dziŭny čelendž da 9 Maja17

Stajać na adnoj nazie z knihaj na hałavie ŭ pamiać pra błakadu Leninhrada. Čynoŭniki zapuścili vielmi dziŭny čelendž da 9 Maja

Usie naviny →
Usie naviny

«Susiedziaŭ turbuje tolki aŭtarynak». Biełarus z Techasa raskazaŭ pra nastroi ŭ štacie, dzie «kožny sabaka za Trampa»7

Tramp praciahnuŭ dziejańnie sankcyj Bajdena suprać Rasii

Mientusava i Kavieryn zapuścili novaje jutub-šou «Zvyčajny viečar»10

Dzieci pad Homielem stali hadavać u siabie doma bahamołaŭ. Navošta?3

ZŠA admianili novyja handlovyja myty dla kampjutaraŭ i smartfonaŭ. U tym liku i z Kitajem5

Trampavy myty vyzvalili rasijskuju naftu ad zachodnich sankcyj8

«I vychadny stracili, i nie zarabili, i patracilisia». Što biełarusy havorać pra subotniki3

«Paraiłasia ź siabroŭkaj-astrołaham». Biełaruskaja śpiavačka raskazała, jak naradžała ŭ Daminikanie5

Erdahan: Biez Turcyi Jeŭropa nie zmoža harantavać svaju biaśpieku1

bolš čytanych navin
bolš łajkanych navin

Stajać na adnoj nazie z knihaj na hałavie ŭ pamiać pra błakadu Leninhrada. Čynoŭniki zapuścili vielmi dziŭny čelendž da 9 Maja17

Stajać na adnoj nazie z knihaj na hałavie ŭ pamiać pra błakadu Leninhrada. Čynoŭniki zapuścili vielmi dziŭny čelendž da 9 Maja

Hałoŭnaje
Usie naviny →

Zaŭvaha:

 

 

 

 

Zakryć Paviedamić