Rasijanin paspračaŭsia, što prysiadzie 2 tysiačy razoŭ. Zakład jon vyjhraŭ, ale ŭ jaho stali nyrki
21-hadovy žychar Uładzivastoka paspračaŭsia z kalehami, što pierabje rekord błohiera i prysiadzie 2 tysiačy razoŭ. U vyniku chłopiec byŭ špitalizavany.
Chłopiec prysiadaŭ z 6 viečara da 3 nočy, a ranicaj nie zmoh ustać z łožka. «Try dni sprabavaŭ žyć jak zvyčajna i chadziŭ na pracu — pakul nie zaŭvažyŭ, što jaho mača stała karyčnievaj», raspaviadaje kanał Mash.
Chłopca pakłali ŭ stacyjanar. Tam vyjaviłasia, što ŭ jaho stajuć nyrki, paviedamlaje Uładzivastockaja kliničnaja balnica.
«Analizy pakazali vysokija pakazčyki ŭremii — stanu, pry jakim u kryvi nazapašvajucca pradukty abmienu rečyvaŭ, što moža pryvieści da niezvarotnych nastupstvaŭ», — raspaviali ŭ balnicy.
Funkcyja nyrak źnižana i ciapier i patrabuje doŭhaha adnaŭleńnia — ad troch miesiacaŭ da hoda. Mikita schudnieŭ na 7 kiłahramaŭ ź viečara prysiadańniaŭ.
Jaki pryz vyjhraŭ u zakładzie rasijanin, nie paviedamlajecca.
Ciapier čytajuć
Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»7
Kamientary
Z.y. Chiejtary ŭsiaho i ŭsia, što varušycca za Oršaj, vaša daścipnaść hodnaja lepšaha prymianieńnia, čym žarciki ź niaščasnaha zožnika. Pakul jon nie biehaje z aŭtamatam i nie "moža paŭtaryć", chaj žyvie, z takimi raška budzie krychu adekvatniejšaju.
U siarednim heta mienš jak 4 razy za chvilinu. Na pieršy pohlad vyhladaje jak kamfortny, spakojny režym "spabornictva". Nijakaha limitu času. Možna było i vady papić, i jakoj harbaty na travach, i jabłyk ci inšaj sadaviny-harodniny ( i nie tolki) pajeści, i WC šmat razoŭ naviedać. Dziŭna ...