Urad Hiermanii zaćvierdziŭ kandydaturu ciapierašniaj ministarki zamiežnych spraŭ krainy Analeny Bierbak na pasadu staršyni Hienasamblei AAN. Pa ŭsioj vierahodnaści, jana budzie abranaja na hetuju pasadu ŭ červieni, a ŭ vieraśni prystupić da pracy, piša Deutsche Welle.
Bierlin prapanuje kandydaturu ciapierašniaj ministarki zamiežnych spraŭ Hiermanii Analeny Bierbak na pasadu staršyni Hienieralnaj Asamblei AAN. Takoje rašeńnie pryniaŭ urad Hiermanii šlacham hałasavańnia, zajaviŭ 19 sakavika aficyjny pradstaŭnik fiederalnaha ŭrada Štefan Chiebieštrajt, paćvierdziŭšy tym samym raniejšyja paviedamleńni ŚMI.
Bierbok vałodaje «vysokaj kvalifikacyjaj» dla hetaj pasady i «karystajecca vialikaj pavahaj», dadaŭ jon. Čakajecca, što Bierbok pradstavić svaju prahramu staršynstva ŭ Hienasamblei AAN u traŭni, a ŭ pačatku červienia budzie abranaja šlacham hałasavańnia i ŭ vieraśni prystupić da vykanańnia svaich abaviazkaŭ.
Jak adznačaje ahienctva dpa, nieaficyjnaja pastanova ab pryznačeńni niamieckaha kandydata ŭ AAN užo pryniataja, a hałasavańnie źjaŭlajecca farmalnaściu.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary