«Pucin nie žadaje spynieńnia ahniu, pakul ukrainskija vojski zastajucca pad Kurskam», — zajaviŭ prezident Ukrainy.
Prezident Ukrainy parazmaŭlaŭ pa Zoom z žurnalistami i, u pryvatnaści, adkazaŭ na pytańnie, što Donald Tramp mieŭ na ŭvazie, kali kazaŭ pra pieradaču ŭkrainskaj enierhietyki va «ŭładańnie» ZŠA. Havorka pra heta ŭzhadvałasia ŭ niekalkich zajavach z Vašynhtona paśla telefonnaj razmovy prezidentaŭ dźviuch krain.
«My havaryli tolki pra adnu elektrastancyju, jakaja znachodzicca pad rasijskaj akupacyjaj», — skazaŭ Zialenski. Z adkazu vynikała, što miełasia na ŭvazie Zaparožskaja AES.
Taksama Zialenski zajaviŭ, što rasijski prezident Uładzimir Pucin «nie choča spynieńnia ahniu, pakul našy vojski znachodziacca na terytoryi Kurskaj vobłaści».
Adkazvajučy na pytańnie pra anansavanuju sustreču pradstaŭnikoŭ Ukrainy i ZŠA ŭ Saudaŭskaj Aravii dla abmierkavańnia detalaŭ častkovaha spynieńnia ahniu, Zialenski skazaŭ, što jana moža adbycca «ŭ piatnicu, subotu abo niadzielu».
Padčas pres-kanfierencyi Zialenskamu, na ździŭleńnie žurnalistaŭ, patelefanavaŭ prezident Francyi Emanuel Makron. Zialenski skazaŭ, što jany razmaŭlajuć kožny dzień. «My časta doŭha havorym. Raz na dzień. Paśla našaj razmovy ja jamu pieratelefanuju», — skazaŭ jon.
-
Stas Michajłaŭ, Michaił Šufucinski i Nataša Karalova praśpiavali dla kiraŭnikoŭ SND u Ermitažy
-
Miełoni vystaviła na aŭkcyjon kurjoznyja dziaržaŭnyja padarunki. Siarod łotaŭ — čaraviki sa skury pitona, iPad ad Zialenskaha i miech rysu
-
Zahinuŭ Vins Zampieła — raspracoŭščyk videahulniaŭ Call of Duty i Battlefield 6
Kamientary
I spyniŭsia b ahoń bieź dziciačaha "žadaju - žadaju".