Сёння ў 16.45 у магілёўскую службу МНС ад мінакоў паступіла паведамленне аб частковым разбурэнні жалезабетоннай пліты казырка пад'езда шматкватэрнага жылога дома на праспекце Шміта.
Калі падраздзяленні МНС прыбылі да месца здарэння, то выявілі, што гэтая пліта сапраўды адламалася, моцна нахілілася і не ўпала на зямлю толькі таму, што абаперлася на газавую трубу.
Ратавальнікі забяспечылі месца магчымага падзення пліты, паведамілі пра здарэнне жыхарам пад'езда і заблакавалі выхад з дому. Работнікі газавай службы тым часам адключылі падачу газу.
У выніку пры дапамозе крана пліта пад'езднага казырка была дэмантаваная без пашкоджання трубы і сцен дома. Ад гэтага інцыдэнта ніхто не пацярпеў.
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»5
Каментары