У баях на Данбасе ва ўкраінскі палон трапіў 54-гадовы беларус Сяргей
Падчас баёў каля пасёлка Пятроўка Данецкай вобласці на Пакроўскім кірунку ва ўкраінскі палон трапіў грамадзянін Беларусі Сяргей Кузьменка, які ваяваў на баку Расіі.
Як паведамілі «Свабодзе» ў дзяржаўным украінскім праекце «Хачу жыць», якім займаецца Каардынацыйны штаб па пытаннях абыходжання з ваеннапалоннымі, «Сяргей Анатольевіч Кузьменка трапіў у палон у траўні».
Да кантракту з расійскай арміяй ён жыў у расійскім горадзе Яраслаўль. Ваяваў стралком у другім батальёне 102-га мотастралковага палка 150-й дывізіі, якую пасля баёў пад Марыупалем фактычна давялося цалкам аднавіць — тады ў першыя дні поўнамаштабнага ўварвання Расіі ўкраінскія сілы знішчылі мінімум 7 тактычных батальёнаў дывізіі. Падраздзяленні 150-й мотастралковай дывізіі дыслакуюцца ў Растоўскай вобласці Расіі.
Паводле інфармацыі праекта «Хачу жыць», Сяргей Кузьменка, хоць і жыў у Расіі, меў беларускі пашпарт.
Сяргей Кузьменка нарадзіўся 22 ліпеня 1971 года. Ён служыў у званні радавога. У Беларусі жыве яго 81-гадовая маці Лідзія Кузьменка.
Дэталі падпісання яго кантракту з расійскай арміяй невядомыя. У раней апублікаваных спісах беларусаў, якія ваююць на баку Расіі, яго прозвішча не значылася.
З улікам Сяргея Кузьменкі цяпер ва ўкраінскім палоне знаходзяцца 8 грамадзян Беларусі. Раней у палон трапілі: Іван Шабунька, Сяргей Шустаў, Андрэй Лапатнёў, Яўген Камянькоў, Артур Яфрэмаў, Міхаіл Шалгун, Мікалай Жураўлёў.
-
«Маё слова года — надзея». Святлана Ціханоўская павіншавала беларусаў разам з Калеснікавай, Севярынцам і Латушкам
-
Ціханоўскі ў навагоднім звароце заклікаў да «фінляндызацыі», даравання тым, «каго папутаў бес», і павагі да Трампа
-
«Пакуль Auchan адкрыты, скіньце грошай». Беларуска двойчы расчаравалася ў эмігрантах, якім дапамагала, але працягвае верыць людзям
Каментары
Магчыма, Украіне мае сэнс націснуць на расійцаў, каб кагосьці з гэтых васьмёх пярэваратняў прынцыпова памяняць на палонных расіяю беларусаў?