У ноч на 6 чэрвеня сталіца Украіны падверглася чарговай камбінаванай атацы з боку Расіі.
У выніку падзення аскепкаў і трапленняў пашкоджаны аб’екты грамадзянскай інфраструктуры, жылыя дамы, аўтамабілі, а таксама рэйкі метрапалітэна. Чатыры чалавекі загінулі, 20 атрымалі раненні, піша «Украінская праўда».
У выніку масіраванай атакі зафіксаваны пашкоджанні прынамсі ў шасці раёнах Кіева.
У Саламянскім раёне адбылося ўзгаранне ў металічным ангары на плошчы каля 500 кв. м. Ратавальнікі працягваюць ліквідацыю пажару. Узнікла ўзгаранне на 11-м паверсе 16-павярховага жылога дома. У выніку аператыўных дзеянняў былі выратаваны тры чалавекі. Пажар ліквідаваны.
У Дарніцкім раёне зафіксавана падзенне аскепкаў збітых цэляў прынамсі ў трох лакацыях. Пашкоджаны два аўтамабілі.
У Галасееўскім раёне ўзнік пажар на аб’екце грамадзянскай інфраструктуры, працягваецца ліквідацыя. Пашкоджана ўстанова адукацыі. Часткі збітых цэляў упалі побач з АЗС, пашкодзіўшы аўтамабіль. Аскепкі таксама ўпалі ў нежылой зоне — без пацярпелых і без пажару.
У Дзяснянскім раёне выяўлены аскепкі збітага БпЛА на адкрытай тэрыторыі.
У Шаўчэнкаўскім раёне адбылося ўзгаранне ў нежылой зоне.
У Дняпроўскім раёне зафіксаваны значныя пашкоджанні аўтазапраўнай станцыі. На месцы працуюць ратавальнікі.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь19
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары