Troch byłych ministraŭ abarony Ukrainy padazrajuć u dziaržaŭnaj zdradzie
Pra toje, što trom byłym ministram abarony Ukrainy vystaŭlena abvinavačvańnie ŭ dziaržaŭnaj zdradzie, paviedamiŭ Ofis Hienieralnaha prakurora krainy, piša «Jekonomična pravda».
Pavodle materyjałaŭ śledstva, u pieryjad z sakavika 2010 da lutaha 2014 hoda, kali hetyja čynoŭniki zajmali pasadu, jany prymali rašeńni pra prodaž bajazdolnaj zbroi i vajskovaj techniki, jakoj i biez taho było mienš, čym patrabavałasia ŭkrainskaj armii.
Havorka idzie pra sotni adzinak braniatechniki, artyleryi, zienitna-rakietnych kompleksaŭ, bajavych samalotaŭ i viertalotaŭ, a taksama pra miljony adzinak strałkovaj zbroi, bojeprypasaŭ i rakiet.
Hetaja zbroja była krytyčna patrebnaja ŭkrainskaj armii padčas pačatku rasijskaj ahresii ŭ 2014 hodzie i zastajecca nieabchodnaj dahetul. Niezakonnyja dziejańni eks-ministraŭ asłabili abaronazdolnaść Ukrainy i nanieśli surjoznuju škodu biaśpiecy dziaržavy.
Pad padazreńnie trapili try ministry abarony, jakija adzin za adnym zajmali pasadu padčas prezidenctva Viktara Janukoviča ŭ 2010-2014 hadach: Michaił Ježel (2010—2012), Dźmitryj Sałamacin (2012) i Pavieł Lebiedzieŭ (2012—2014).
U Hienprakuratury padkreślivajuć, što jany nie tolki asłabili abaronu krainy, ale i faktyčna dapamahali Rasii vieści padryŭnuju dziejnaść suprać Ukrainy.
Adzin ź pieraličanych ministraŭ, Michaił Ježel, u 2013-2015 hadach byŭ pasłom u Biełarusi, a paśla taho, jak jaho z hetaj pasady ŭ mai 2015 hoda źniali, zastaŭsia tut žyć u jakaści biežanca, chavajučysia ad kryminalnaha pieraśledu na radzimie. Jahony nastupnik na pasadzie, Dźmitryj Sałamacin, byŭ rasijaninam, jaki atrymaŭ ukrainskaje hramadzianstva tolki ŭ 2006 hodzie.
Eks-prezidentu Ukrainy Janukoviču zavočna dali 15 hadoŭ
Jašče adna achviara Ksienii Lebiedzievaj: paśla jaje prahramy va Ukrainie zatrymali arhanizatara ŭciokaŭ ad mabilizacyi
«Narod ža čakaŭ vyzvalicielaŭ, a pryjšli, b…, akupanty». Va Ukrainie apublikavali zapisy razmoŭ miljardera-kałabaranta Viačasłava Bahusłajeva
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary
dobra supracoúničali ź Mienskam i maskvoj ))
režym tam luty , ništo im nie pahražaje , vajna úsio śpiša