Microsoft adkryvaje pradstaŭnictva ŭ Biełarusi
Adkryćcio pradstaŭnictva śviedčyć ab tym, što Microsoft aceńvaje biełaruski rynak jak vielmi pierśpiektyŭny, ź vialikim patencyjałam.
Karparacyja Microsoft adkryvaje aficyjnaje pradstaŭnictva ŭ Biełarusi. Pra heta 6 krasavika na pres‑kanfierencyi ŭ Minsku paviedamiŭ mieniedžer pa raźvićci biźniesu Microsoft u Biełarusi Vasil Karpicki.
Pavodle jaho słoŭ, 2 lutaha była zarehistravana jurydyčnaja asoba — ZTAA «Majkrasoft Softvierbieł», ciapier farmirujecca štat supracoŭnikaŭ. «Adkryćcio pradstaŭnictva śviedčyć ab tym, što Microsoft aceńvaje biełaruski rynak jak vielmi pierśpiektyŭny, ź vialikim patencyjałam», — padkreśliŭ pradstaŭnik kampanii.
Jon adznačyŭ, što paŭnavartasnuju pracu biełaruski ofis Microsoft pačnie k lipieniu hetaha hoda.
Vasil Karpicki taksama paviedamiŭ, što zaraz na terytoryi Biełarusi pracujuć dva dystrybjutery Microsoft (Elko Computers i SZAT «AŚBIS») i 20 partnioraŭ roznaha ŭzroŭniu.
***
Zasnavanaja ŭ 1975 hodzie karparacyja Microsoft źjaŭlajecca suśvietnym lideram u vytvorčaści prahramnaha zabieśpiačeńnia, akazańni pasłuh i raspracoŭcy interniet‑technałohij dla piersanalnych kampjuteraŭ i siervieraŭ. U śniežni 2005 hoda pačaŭ ažyćciaŭlacca aficyjny prodaž praduktaŭ Microsoft u Biełarusi.
Asnovu biźniesu Microsoft u Biełarusi składajuć prodažy prahramnaha zabieśpiačeńnia. Bolšaja častka prodažaŭ u krainie prychodzicca na apieracyjnyja sistemy, pakiet Microsoft Office System i sierviernyja rašeńni. Zhodna sa statystykaj najbolš vysoki rost demanstrujuć prodažy sierviernych praduktaŭ i licenzij na PZ dla karparatyŭnaha siektara. Cenavaja palityka karparacyi Microsoft u Biełarusi takaja ž, jak i va ŭsich krainach SND.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary