U Biełarusi ŭznaharodzili alimpijskich čempijonaŭ
Uračystaja cyrymonija prajšła ŭ restaranie Pałaca vodnaha sportu.
Na mierapryjemstva, jakoje adbyłosia ŭ restaranie Pałaca vodnaha sportu, zaprasili miedalistaŭ Alimpijskich i Paralimpijskich hulniaŭ u Vankuviery, kiraŭnikoŭ fiederacyj i spartyŭnych čynoŭnikaŭ.
Pieršaj na hanarovuju čyrvonuju darožku vyjšła bijatłanistka Darja Domračava – bronzavaja miedalistka hulniaŭ u Vankuviery. A apošnim u paradzie pryzioraŭ byŭ pieršy ŭ historyi niezaležnaj Biełarusi załaty pryzior Zimovych alimpijskich hulniaŭ frystajlist Alaksiej Hryšyn.
Aficyjnaja častka mierapryjemstva z pramovami spartovych čynoŭnikaŭ z NAK chutka pierajšła ŭ nieaficyjnuju. Viadučaja Lusia Łuščyk abjaviła prysutnym ab tym, što da vinšavańniaŭ dałučajucca zorki biełaruskaj estrady – Anatol Jarmolenka, Alesia, Iryna Darafiejeva i inšyja. Paśla hetaha zorki nie mahli nie zaśpiavać. A.Jarmolenka, što praŭda, umudryŭsia jašče i adaryć čempijonaŭ ułasnymi albomami. Adnak padčas hetaha troški zhańbiŭsia – dyskaŭ akazałasia značna mienš, čym spartoŭcaŭ. Pryjšłosia paabiacać vysłać kružełki kožnamu asabista.
Alesia vyrašyła praśpiavać savieckija šlahiery razam z kiraŭnictvam Nacyjanalnaha alimpijskaha kamiteta i spartoŭcami, što było ŭspryniata bolšaściu prysutnych vielmi pazityŭna.
Na zaviaršeńnie ministr sportu i turyzmu Aleh Kačan uznaharodziŭ spartoŭcaŭ padarunkami i dypłomami ad svajho Ministerstva. Paabiacaŭšy i dalej trymać taki vysoki ŭzrovień u spartovych dasiahnieńniach.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB18
Kamientary