«Heta biazhłuździca. Čałaviek nie ŭjaŭlaje roźnicy pamiž brudnym ardynarnym radyjoaktyŭnym rečyvam i ŭzbahačanym uranam», - paryruje fizik-jadzierščyk Stanisłaŭ Šuškievič.
14 krasavika ŭ chodzie pajezdki ŭ Homielskuju vobłaść A.Łukašenka skazaŭ navinu, jakaja mahła b pastavić Biełaruś u adzin šerah z KNDR i Iranam, jakija imknucca atrymać vysokaŭzbahačany ŭran:
«Ja nie budu chavać: u nas zastaŭsia vysokaŭzbahačany ŭran. Sotni kiłahramaŭ faktyčna zbrojevaha i bolš nizkaha abahačeńnia. Mnie ŭžo niekatory hod zapar kažuć: tak, vyvoźcie hety ŭran. Chočacie ŭ Amieryku, my vam zapłacim, chočacie — u Rasiju».
Pry hetym A. Łukašenka padkreśliŭ, što Biełaruś nie źbirajecca «rabić brudnyja bomby ci kamuści pradavać uran», što materyjał znachodzicca pad kantrolem MAHATE.
Były staršynia Nacyjanalnaj akademii navuk Alaksandr Vajtovič abviarhaje słovy A. Łukašenki: Biełaruś nie maje vysokaŭzbahačanaha ŭranu:
U nas jość kala 90 kiłahramaŭ uranu, jon nizkaŭzbahačany i nie prydatny dla taho, kab rabić ź jaho bomby».
Pavodle A. Vajtoviča, adzinaje ŭ Biełarusi schovišča ŭranu znachodzicca ŭ Sosnach, u centry enierhietyki i jadziernych daśledavańniaŭ. Hetaje nizkaŭzbahačanaje jadziernaje paliva sapraŭdy znachodzicca pad kantrolem MAHATE, jano było zaviezienaje dla vyprabavańnia małahabarytnaha pierasoŭnaha reaktara «Pamir», jaki raspracoŭvaŭsia ŭ Biełarusi. U pačatku 90‑ch hadoŭ hetyja raspracoŭki byli spynienyja.
Fizyk‑iadzierščyk Stanisłaŭ Šuškievič taksama ličyć niepraŭdzivymi zajavy A. Łukašenki pra vysokaŭzbahačany ŭran.
«Heta biazhłuździca. Čałaviek nie ŭjaŭlaje roźnicy pamiž brudnym ardynarnym radyjoaktyŭnym rečyvam i ŭzbahačanym uranam, a tym bolš zbrojevym uranam. Kab mieć stolki zbrojevaha ŭranu, treba mieć mahutnuju vytvorčaść. Heta jak błytać zołata z sałomaj».
Kamientary